اشهر (25) كذبه عند معظم الشباب

من طرف **مطرود** الخميس أكتوبر 21, 2010 8:12 am

[size=21]اشهر 25 كذبه عند معظم الشباب ,,, وماخفي كان أعظم ,,,

1-حبيبتي تدرين والله انا ماعندي حركات الشبااب .. ماكلم بنات.. اصلا ماحب هالحركات..
(( باااااااااين وانت كل بنات العالم يعرفونك ))

2- مادري حبيبتي احس اني اعرفج من زمااان
(( لا يمكن ملخبط بينها وبين وحده كنت تعرفها اول .. يمكن في شبه ))

3- حبيبتي احس انج غير عن كل البنات احس انك مختلفه وغير عنهم
((ليش فوق راسها ريشه و لا من كوكب ثاني ))

4-حبيبتي والله احس في اشياء كثيرة انا وانتي نتشابه فيهااا .. كأننا شخص واحد
(( سبحان الله اخوها في الاسلام لازم يكون في شبه ها ها هاااي ))

5-ياليتني ياقلبي عرفتج من زمان
(( معليش كان عندك زحمه ))

6- حبيبتي انتي تامرين قلبي امر .. كل اللي تقولينه ألبّــيه
(( ايه في الاحلام اكيد ))

7- حيااتي ابيج تتغطين عشان ما احد يشوفج غيري لاني اغاار
((لا يا حرااااام الغيرة حرقت قلبك حرق ))

8- أبي أجي اخطبج من اهلج بس بعد ما اكـوّن نفسي
(( اجل من تكوون هع هع بس صح تكسر الخاطر فلوسك كلها على الموبايل والسيارة وعزايم ربعك و و و الخ ))

9-يا قلبي ابي اشوفج باقرب وقت ماقدر على الشوق اللي ذبحني
((يبي ربعه يتأكدون انها حلوة ))

10 - انا احب الشّعر ومن هواياتي الرسم والسباحه
(( لا رومنسي الحبيب ))

11- حبيبتي حطي في بالج ترى انا اذا حبيت حبيت من كل قلبي
(( اقول بس اي قلب فيهم ؟!!!! ))

12- علاقتي فيج محد يدري فيها ابد لانها تعتبر من اهم خصوصياتي
(( بس عادي كل ربعــه يدرون .. لانهم مو اي احد ))

13- شكلي حبيبتي راح اطق لي جاكوار من الوكاله
((اذا مو هوندا موديل 76 من الحراج ))

14 - احتمال اروح سويسرا الصيف الجاي
(( ايــــــــــه هيــــّــن ))

15- دايم اشتري عطوري من تناغرا
(( لوووووول يعنني الحمدلله والشكر ))

16- لما اشوف رقمج في تيلفوني قلبي يفز من مكانه
(( اكييد .. خايف تكون كشفت ملاعيبك ))

17- فلان قال لي اعطيه رقمج .. بس انا قلت له ادفنـّي قبل ماتاخذ رقمها مني
(( هاهاااي يا مضحي انت يا شجااع .. هذا اذا مو كل الشباب يعرفون رقمها المسكينه ))

19 - حبيبتي ابي صورتج اخليها عندي عشان قبل ما انام اشوفها واحطها تحت راسي وانام
(( لا وانت الصاج عشان يوم تمل منها تهددها ))

20- اسف حبيبتي امس ما اتصلت عليج بس كنت مشغووووول حدي مع الدراسه
(( باين يا نيوووتن انـــــــــت ))

21- تدرين حبيبتي انا دايما البنات في المجمعات يطلبون رقمي ... بس انا ماعطيهم فيــس دام انتي حبي
(( هاهاااي .. الترتيب الصحيح للجمله .. دايماا انا الحق البنات بس مايعطوني فــــيس ))

22- والله حبيبتي كان ودي اجي عالموعد اليوم بس صارت ظروف صعبة جدااا وماقدر اجيج
(( ايه صح تذكر موعده مع رفيجته الثانيه اللي واعدها 10 مرات وطنشها ))

23- امس مانمت... طول الوقت افكر فيج... اخذتي عقلي حبيبتي
(( الا قصدك نمت وحلمت وشبعت نووم ولا تدري عنهاااا اصلاً ))

24- انتي احلى بنت شفتها بحياتي ماظن القى احلى منج
(( ليش متعرف على ملكة جمال الكون واحنا ماندري؟؟))

25- الظاهر بشتري كمبيوتر جديد... كمبيوتري صار له شهرين معاي وكمبيوتراخوي مايعجبني والكمبيوتر الثاني ماتأقلمت معاه
((ماشاء الله وكالة كمبيوتراات ....اراهن بعمري على انه كمبيوترك قديييييييم وماعندك غيره كل ماخرب صلحته))
[/size]