نكت من حبيبكم احمد عبدالباسط جاااااااامده جدا

مين اللى عنده طول البال ويخلص الموضوع لآخره هديله بوسه

طبعا الكل هيخلصه لو هيقعد سنه فيه علشان البوسه


واحد بيحكى لصاحبة مآساتة مع حبيبتة اللى مش فاهماة

مأساه واحد مع حبيبته وبيحكى عنها
كنت جالس بجوار صديقي على المقهى
امسك الشيشة بيد و اشيح بالاخرى في وجهه
انا مش مَدَبّ.. انا مش عارف هي جابت الكلام ده منين؟
-اهدى بس
كل ما اقولها حاجة.. تقولي انا مَدبّ.. حمارة مبتفهمش في المشاعر
-احكيلي ايه الي حصل
*******
قاعدين في الكافيه
قاعدين على ترابيزة مدورة وهي قدامي
قولتلها أديني جايبك حتت نضيفة اهه ماروحتيهاش قبل كده
طلبنا برتقان.. وبكلمها يا عم وعمّال اقولها الكلام الكبير بتاع المشاعر
و هي غاية في الغباء
عمال المّح لها و اقولها انا بتصل بيكي كتير وبكلمك كتير.. و بسأل عليكي
لكن مش معنى كده اني مهتم بيكي
انا بعمل كده مع الناس كلها.. علشان انا مهتم بالانسان مش بيكي انتي بس
علشان تفهم اني اجتماعي
و هي آخر غباء
اقولها انها تخنت والمفروض تقلل من البيبسي وتبطل أكل شوية بالطفاسة اللي هي فيها دي علشان تفهم اني مهتم بيها وبرشاقتها و خايف عليها من كتر الاكل
و هي آخر حمورية
أقولها حاولي تلبسي لنسيز علشان النظارة دي مبيناكي عجوزة ومش حلوة على وشك وخصوصا انه مش حلو قوي
علشان تفهم اني باخد بالي من التفاصيل
ودي اللي طالع عليها التخلّف
*******
اقولها ان بعض تصرفاتها مش عجباني و انها بترغي كتير في الموبايل
تقولي: ما انا بكلمك برضه
اقولها ماهو ده قصدي.. انتي بترغي وبتكلفيني كتير في الفاتورة
علشان تفهم اني مدبر واقتصادي
و هي آخر جهل
لما جه الشيك علشان ندفع
كانت حاتدفع فأخدت منها الشيك وقولتلها انا اللي حادفع
وضحكتْ وقلتلها مافيهاش حاجة لما أدفع ده كمان.. ما احنا المرتين الي خرجنا فيهم انا اللي صرفت عليكي
علشان تفهم اني جدع معاها
و هي نازل عليها بغباء
قعدت تحكي في القراءة والثقافة
و انت عارف محسوبك تقيل في الحاجات دي
لغاية ماقالتلي على الكاتب اللي بتقراله دلوقتي ومدى حبها ليه وبكتاباته
قولتلها انه حمار واللي بيقروله بهايم
علشان تفهم اني مثقف وداري بما يدور في الساحة الثقافية
ومطلع على جميع الكتاب و الاصدارات
ولا حياة لمن تنادي
*******
دفعنا الشيك و خرجنا
سيبتها عند الباب ولما قالتلي مش حتوصلني
قلتلها لأ طبعا
سيبتها في الشارع و ركبت العربية ومشيت
علشان تفهم اني مش مدلوق عليها

حلو لحد كده يا عم؟
عاطفة و اشواق وحب على أبوه من الأصلي
هي دي الرومانسية
شوف بقي غباوتها اللي جايه
قلت أكلمها بالليل و انهي الموضوع و اقولها إني معجب بيها والكلام الكبير ده بتاع الارتباط والحب والجواز
و انها هي الكسبانة والموضوع حيقع عليّ بخسارة
كلّمتها وقلتلها الكلمتين
قالتلي اني ظريف وطيب بس هي عايزة واحد رومانسي
ضحكتْ و قلتلها انتي حمارة بقى.. ههههه.. كل ده ومش رومانسي
انتي لازم تعملي اختبار ذكاء.. ههههه.. غباء غريب
دا انا وديتك اماكن ماروحتيهاش وصرفت عليكي
و كلمتلك عن وشك وجسمك يا تخينة.. هههههه
دا احنا مثقفين زي بعض وبلاش كده
ولاّ لازم تحملي مني علشان نتجوز.. هههههه
عجبتني قوي اخر جملة دي.. رحت عدتها تاني
سكتتْ كتير
و قعدت أقول: الو الو الو.. ومحدش رد
قفلت واتصلت بيها ومحدش رد
وفي الاخر البني آدمة تبعتلي مسج تقولي
انت مدب.. مدب.. ومبتحسش.. انت مدب.. مبتفهمش
شفت اخرتها
انا مدب
بنت غبية.. مبتفهمش.. مبتفكرش
*******
في حمورية و غباء كده.. قولي
في حد كده ؟
-صاحبي مبيردش و شكله قطع النفس
مش عارف ماله ده كمان


******************************
لأول مرة خدمة 911 (النجدة)فى مصررررررر
خدمه911 اللي هتكون في مصر
واليكم المكالمة الاولى
يرن التلفون في القسم ...
صوت رجل اقرب الي جعير الحمار
وحياة امك ما انا مطلق و اعلي مافي خيلك اركبية يا بنت المكوجي
سيدة تصرخ في سعار طلقني طلقني
يتكلم الظابط محاولا تهدئة الموقف ..
يا استاذ بالراحة مش كدة الصلح خير
يصرخ الرجل في السماعة..
وانت مال اهلك يا جلنف...
يا سيد ما انت اللي طالب نمرة الطواريء..
يزداد سعار الرجل ....قائلا له
و كمان ماشية مع طوارق
بتعرفي عليا رجالة....
يصرخ الظابط في الطرف الاخر
يا فندم انا بوليس...
وكمان ظابط بوليس .... بتخوفني يالا
والله لاولع فيكي
صوت سيدة تشتعل و تسقط من بلكونة و طاااااااخ
يعود الرجل مرة اخري
الو انت في قسم اية.؟؟
في قسم العمرانية يا فندم ..لية؟؟
طب لو راجل خليك عندك ...
تررررك تيت تيت تيت .
--------------------------------
المكالمة الثانية
ترررررررررررين تررنتررن رم رم
سيدة يبدو انها من منطقة شعبية ...
الو ايوة يا بية انا عرفت الحل .....
- نعم يا مدام؟؟؟
ايوة يا اخويا خامس الخلفاء الراشدين.... الاجابة نمرة 4 نور الشريف
يا مدام دي خدمة الطواريء ...
يا اخويا ومالة المهم انا كسبت الالف جنية؟؟
يا مدام الف جنية اية احنا بوليس...
الست في ولولة ...
الهي ربنا ينتقم منكم مسبتوش حاجة للغلابة اللي زينا
في المترو و الاوتوبيس و التلفون
واكلينها والعة اتفوووو عليكو
طرررك...تيت تيت تيت...
-----------------------------------
المكالمة الثالثة
صوت شابة في اوائل العشرينات تصرخ في رعب
الوووو 0900 الحقونييييييي
يبتسم الظابط في حماس قائلا في سرة .. يا فرج الله باين المرة دي بجد....
اية يا انسة متقلقيش انا هافضل معاكي علي الخط خير في اية؟؟
تصرخ الشابة في انهيار
الحقني هاياكلني
انا مستخبية فوق الدولاب هو لسة مشفنيش
يا انسة اهدي علشان افهم..... .
ممكن توصيفيلي شكلة
الفتاة في ذهول ....
دة بلبوص خالص و كلة شعر
الظابط في بلاهة ......
هو مين دة اللي بلبوص؟؟؟
الفتاة في شبة اغماء..
الفار الفار يا تلحقوني يا متلحقونيش
----------------------------------
المكالمة الرابعةتررررررررن رن رن ترررررررن ترن
الظابط طهقان ونفاد صبره
ايوة نعم عايزين اية يا شعب معفن ميجيش غير بالسك علي نافوخة
سيدة تقول في غيظ ..
انت بتكلم كدة لية يا زكي...
الظابط فاتحا بقة علي اخرة...
وكمان عارفة اسمي... هاتناسبيني
خير يا اختي حمام بيتكو ضرب ولا مش عارفة تعملي البشميل
و الخروف جوزك حالف عليكي يمين طلاق يا انتي يا البشميل جتكو نيلة مليتو البلد
السيدة ترد وهي تكاد تاكل السماعة
نعم يا ابن سعدية
يتسمر الظابط مذهولا....
اية دة انتي كمان عارفة اسم نينا ...
السيدة في قرف ..
نينا يا دبلوم معهد امناء الشرطة
انا سماح...
سماح حبيبتي ازيك يا روحي
عزرائيل يخطف روحك ... 4 اسابيع برة البيت من غير ماتسيب فلوس
-معلش انتي عارفة الشغل و انا اللي ماسك الخدمة الجديدة
تصرخ زوجتة كصوت غسالة تص اتوماتيك و الاوتوماتيك بتاعها بايظ
10 دقايق و تكون في البيت
الظابط في توسل..
طب اسيب االقسم ازاي..
يتحرق االقسم علي اللي في
يقول لها في رجاء...
طيب و الشعب...
سماح في سعار المنهوشة
يشرب من البحر
زكي يبكي ....
-انا جاي يا سماح

******************

يووم من اياام النتيجة--قوانين فى حياتك


يووم من اياام النتيجة

تخيل كده يامعلم وانت مخلص امتحانات ورايق وفايق
ونايم بعد الفجر بقى ومريش نفسك ومعمر الطاسه وكله اليستا
وجيت تنام
فجأه بعد ساعه من نومك
جه السيد الوالد الفاضل ( ايون واخد بالك انت من الفاضل دى يعنى كله مات ومش فاضل الا هو هههههههه )
وبيصحيييك
- اصحى يابنى .. انت يازفت
تروح انت قايل فى سرك
يانفخيييييي هو الراجل ده مستقصدنى بقى ولا ايه
- ايوه يا بابا نعم ؟
- قوم عشان تجيب النتيجه
- نتيجه ؟ ليه هو احنا فى راس السنه ؟
- راس السنه ايه يابنى قوم قووووووم قامت عليك قومه
تروح قايل فى سرك
كمان قامت عليه قومه ده انت بتحبنى اوي
- طيب قايم اهو قااايم
هو اليوم بيبان من اوله اما اقوم اكلم اى حد من صحابى يجي معايا
/
- الو .. انت ياحيوان .. تعالى معايا نجيب النتيجه
- يانفخييي ياعم قول صباح الخير صباح اللى بتغنى صباح الدين الايوبى هههههههههه
- طب يلا ياظريف عشان منتأخرش
/
- ماما .. ماماااا .. ياحاااجه .. ياعمره .. يادى النيله عليا مبتردش ليه دى
- هاا عايز ايه يابنى
- عاتى فلوز
- مين ياخويا ؟ ايه عاتى فلوز دى كمان
- يعنى شخللي جيوبك ونفضيها عليا
- ايه الكلام اللى محتاج كتالوج ده .. فين المترجم بتاعك يابنى
- يوووه ياماما هاتى فلوس ياماما
- طب متقول كده .. منصور يابنى انشاء الله
- هو انا رايح اجاهد ياحاجه ده ايه الناس الغريبه دى
/
وبعد ماانت نزلت بقى ورايح تجيب النتيجه ومعاك صاحبك
وفجأه شايف كله طالع يبص لدرجاته ويعيييييييط يعيييييط
راح صاحبك قال
- اهو هو ده بقى الفأل الحسن
- فأل حسن .. طب مفيش فأل حسين ههههههههه .. امشى ياعم شكلنا ضايعين
- طب مندور علينا هههههههههههههه
/
وهوبا جبت النتيجه وطلعت مليااانه كحك وساقط وحلتك بالبلاوي
ومروح البيت بقى وعامل نفسك عم سيلفستر استنونى انا جى اهو هههههههههه
ومامتك تقولك
- ها ياحبيبى عملت ايه فالنتيجه
- ماما عازمك على اكله كحك جامده مووت
- لابجد ؟ يبقى نجحت الف مبروك ياحبيبى
تروح قايل فى سرك
الوليه امى دى ست طيبه موووووووز
تروح قيلالك
- ورينى كده النتيجه
- طيب شوفيها اهو
- يالهوييييييي ياخراااشى تعالى شوف ابنك تعاااالى
ابنك فاااااااشل
- يوووه ياماما بضايق من الكلمه دى
- بتضايق منها ؟؟ يافاشل يافاشل يافاشل
/
ابوك جالك بقى
- يانهار ابوك اسود .. ايه الدرجات دى يالا
- ايه يابابا اكيد فى غلط فيها ولا حاجه
- فيها ايه ياعنيا ؟؟
- فيها فيل .. يووه اصدى فيها غلط .. بس متقولش لحد
- متقولش لحد ؟ .. طب تعلالى ياعم هيفاء وهبى
زوووو زووو وضرب من هنا ومن هنا ومن هنا
/
وآدى اخره المذاكره ياعم
الواحد بعد كده يرشح نفسه فى مجلس الشعب
عشان يبقى عنده حصانه من ابوه

حلوه القطعه الاخيره دى بتاعه النجاح والسقوط والفشل



مودرن يعنى مش اى كلام يارب متعملش زيه



تسلم على موضوعك يابرنس



احترامى وتقديرى