اسئلة تحرق الدم(بعد الشر عليكم وعليا طبعا هههههههه)

اسئلة مالهاش اى لازمة وماعرفش بتتقال ليه ودى امثلة منها:



تبقى لابس و متشيك و ضارب الجل فى شعرك و ريحت البارفان جايبة لغايه اخر الشارع و بتفتح باب الشقة و جاي تنزل تلاقى حد من البيت شافك يقولك ( ايه ده هو انت خارج؟


لا بجرب افتح الباب اصلهم قالوا فى صباح الخير يا مصر انه الحركة ديه بتنمى الذكاء
^^^^^^^^^^^^^^^^^^^^^^^^^^



خلصت خروجت و راجع البيت بتفتح الباب و داخل تلاقي الى بينده عليك بعد ما دخلت
زكريا
) ترد و تقول: نعم يقولك : انت جيت ؟ )
لا لسه لما اجى هاقولكم
^^^^^^^^^^^^^^^^^^^^^^^^^^^^^^^






قاعد فى اوضتك و كبس عليك النوم اومت اتغطيت و مظبط حالك و طفيت نور الاوضة و لسه بتغمض عينك تلاقى حد بيفتح عليك باب الاوضة ويقولك (ايه ده هو انت هتنام ؟)


- اكيد لأ مانتا شايفنى برقص باليه اهوه
^^^^^^^^^^^^^^^^^^^^^^^^^^^^^




او خلاص اتغطيت و طفيت نور الاوضة و عينك هتبتدى تروح فى النوم تلاقى حد بينادى عليك من اوضة تانية


يا حسنين) ترد وتقول نعم يقولك : انت نمت ؟ )


- يااااااااه فى سابع نومة و بتفرج على كابوس كمان
^^^^^^^^^^^^^^^^^^^^^^^^^^^^^^^








او روحت مسكت التليفون و لسه بتضغط عالارقام عشان تتصل تلاقى الى بيقولك
(ايه دا هو انت هتتكلم فى التليفون و لا ايه ؟)


- لا يا عم دا الكابتن فى الجيم قالى على تمرين صوابع بعمله عالتليفون
^^^^^^^^^^^^^^^^^^^^^^^^^^^^^^^^






او معزومين عند ناس و لاحاجة و راييحين ترنوا الجرس يفتحلكم طفل او طفلة عساسيييييل اوى يقولكم
( ايه ده انتوا جيتوا؟)


- معلش يا بنى العيب مش عليك انت لسه صغير
^^^^^^^^^^^^^^^^^^^^^^^^^^^^^^




رايح عند بتاع عصير القصب تقوله: سلام عليكوا فى خروب؟

قولك: فى سوبيا و عصير قصب و تمر هندى و دوم و مانجة وبرتقال

- طب يا عم قولى مفيش و خلاص
^^^^^^^^^^^^^^^^^^^^^^^^^




يجيى الراجل نازل من بيتهم الصبح ضارب البدلة و ماسك الشنطة و لسه بيدور العربية و جاى يطلع يلاقى البواب بيخبط له عالأزاز و يقوله ( هو انت رايح الشغل يا بيه ؟ )

لا يا عم رايح العب نط الحبل مع صحابى
^^^^^^^^^^^^^^^^^^^^^^




او التليفون رن و رحت رديت قعدت ترغى مع الى اتصل شوية و فى الاخر قفلت السكة


تلاقى بعد شوية حد جاى يقولك :كان حد عايزنى عالتليفون ؟

اه يا عم بس انا كلمته بالنيابة عنك و بعدين قفلت معاه ما اكيد لو حد عايزك كنت ناديلتك يعنى
^^^^^^^^^^^^^^^^^^^^^^^^^^^^^



او بتكلم واحد صاحبك من على تليفون البيت تلاقيه بيقولك :انت فين دلوقتى يا بنى ؟

يااااااااااااه يا عم دانا فى اسكندرية بصيف
^^^^^^^^^^^^^^^^^^^^^^^^



و يا سلام بقي عايز تروح حتة وتايه مش عارف توصلها قولت تسئل حد تقابل حد تقوله: لو سمحت ما تعرفش شارع كذا فين؟
يقولك: هما قالولك فين ؟

طب انا لو عارف هسئل حضرتك على انهى اساس يعنى
^^^^^^^^^^^^^^^^^^^^^^^^^^^^^^^




تلاقى المذيعة فى برامج الاهداءات بترد على اتصال طفل صغير تقوله: عندك كام سنة يا عمر؟
يقولها؟ 5 سنين
تقوله: انت بتحب بابا و ماما يا عمر ؟

يعنى اكيد الواد لسه ما طلعلوش عرق الندالة و هيقولك دانا متخانق معاهم وسايبلهم البيت يعنى
^^^^^^^^^^^^^^^^^^^^^^^






ولا فى برنامج تانى واحد يتصل ترغى معاه شويه و فى الاخر تقوله تسمع معانا اغنية ايه يقولها مثلا اغنية تملى معاك بتاعت عمرو دياب تقوله( ايه ده انت بتحب الاغنية ديه؟ )


لا طبعا طالبها عشان اشوفها كام دقيقة
^^^^^^^^^^^^^^^^^^^^^^^^^^^







او واحد متصل ليلة العيد تقوله: ياترى هتقول ايه بقى لصحابك و قرايبك وجرانك و اخواتك و الدنيا كلها


اكيييييد هقولهم البقاء لله

هههههههههههههههههههههههههههههههههههه



جامدين يا احمد تسلم ايديك انت فين ياعم من شهر ونص



فى انتظار جديدك



احترامى وتقديرى

ههههههههههههه

حمدالله على السلامه يااحمد

اخبارك ايه

وحشتنى والله

ميغسى على مروركم اخجلتم تواضعنا

بيست ويشز

ههههههههههههههههههههه



تحفة واااااااااااااااااااااااااااو تسلم الايادي يااحمد باشا



تحياتي لك

اصل المواقف دى بتحصل كتير معايا قلت افضفض يا اختى

واطلع اللى جوايا بدل ما اطق من جنابى

نورتينى ياريهام طب والله منوره ايوه كده احس ان حد معبرنى

وعلى رائ المثل

دارى على شمعتك ، لو حاطوا على راسه فانوس

بيست ويشز