خدمة ظهور الرقم الخاص

من طرف **عين الحياه** الجمعة سبتمبر 09, 2011 2:01 am

اولا.. احب اشكر العضوات اللى راسلونى ع الخاص وبقولهم كل عام وانتم بخير

ثانيا.. انا جتلى رسايل كتير منكم وكنتوا بتسألونى عن خاصية الرقم الخاص

الخاصيه دى انا اول مره اعرفها كنت مسافره برا مصر وبتصل على اقاربى وبيظهر

عندهم كلمة رقم خاص

انا سألت عنها علشان عيونكم وعرفت ازاى ممكن تعمليها لكن هيه صعبه شويه

**فى طريقتين**

اول طريقه..... انك تتصلى بخدمة العملاء للخط اللى انتى تبعه اذا كنتى فودافون او موبينيل او اتصالات

وبتطلبى منهم الخدمه دى وهما هايقولولك انهم بيعملوا طلب بأسمك وبتقولى السبب طبعا

لان لو عملوا الخدمه دى عادى وبسهوله فى ناس كتير ممكن تستخدمها غلط طبعا انتوا فاهمين

وانا شايفه ان الطريقه دى صعبه شويه وممكن الشركه تقتنع بالسبب وممكن لا !!!!!

تانى طريقه..... انك تدخلى برنامج لموبايلك البرنامج ده اسمه private number

والبرنامج ده بيشتغل فى دقايق ولما تحبى تتصلى بحد وما يظهر رقمك بتدخلى على البرنامج وتتصلى

او تبعتى اللى انتى عاوزاه وفعلا رقمك موش بيظهر وبيتكتب رقم خاص

وانا عرفت انه بفلوووس تقريبا علشان تدخلى الخدمه دى عندك بحوالى 200 جنيه مصرى

وانتى بتدفعيهم مره واحده بس لما تشتركى فى الخدمه دى وكمان بتتيحلك انك تتكلمى دولى

بسعر رخيص لكن انا معرفش حد بيعملها لكن ده اللى وصلت له من بحثى عن البرنامج ده

وكمان فى مشكله انك لما تيجى تشحنى الكارت العادى بتاعك لازم تتصلى بالشركه اللى اشتركتى معاها

فى الخدمه هما يشحنولك اى كارت بأى سعر وانتى بتبعتى الفلوس عن طريق مكتب البريد او مندوب يجيلك البيت

يعنى الموضووووع صعب ومفيش خاصيه ولا خدعه تخلى رقمك يظهر عند حد no number

وياريتنى كنت اقدر اجيبلكم خدعه زى ما عودتكم والله ما كنت اتأخرت

انا عملت موضوعى علشان الناس اللى بتسألنى

ولكم منى اجمل تحيه

عين الحياه