الشباب الرايق

الشباب الرايق
ياشبابنا يا رايق يا مخربش
يا مظبط نفسك ومروش
بالجل وحبه انتيكا
راح تفضل تصرف وتروش
يا شبابنا يا مسلسل نفسك
بسلال كده ملهاش لازمه
ويا لابس حظاظه ف ايدك
فرحان مبسوط بالمزيكا
********
يا شبابنا يا رايق يا مخربش
يا مظبط نفسك ومروش
وبنات فرحانه اوى بالموضه
تلبسلك بدى على برمودا
تدهنلك وشها بالبويه
فرحانه بشبابها ومبسوطه
********
يا شبابنا يا رايق يا مخربش
يا مظبط نفسك ومروش
وشباب الجامعه المحروسه
بيكهرب شعره ع الموضه
ونافشلك ريشه وبقشيشه
والناس بتبصله مقروفه
بنغير مبادئنا الحلوه
ونعيش على مبدا ناس تانيه
ده هدفهم يشغلوا تفكرنا
عن دينا وعن حال الدنيا
********
يا شبابنا يا رايق يا مخربش
يامظبط نفسك ومروش
ماتظبط نفسك بتئنى
وبلاش تقليد اعمى وعامى
لوجينا نبص لاسلامنا
راح تلقى الدنيا دى حاجه تانيه
و راح يرجع عهدنا من تانى
********
يا شبابنا يا رايق يا مخربش
يا مظبط نفسك ومروش
********

كيف يرفع الولد ضغط دم البنت؟؟؟
طبعاً عارف ايه الى هيجرالى من بنات منتدى مصر بعد الموضوع دا
بس بقولكم إن شاء الله ربنا معايا محدش فيكم هيعرفلى اراضى
لأنى طبعاً لو اى بنت عرفتلى طريق قولو عليا يا رحمان يا رحيم

العملية فى منتهى السهولة و سيتم عرضها من خلال عدة مواقف متتالية و الله المستعان و ربنا يقدرنا على بنت حواء......

1-اذا كنت ماشفتهاش من زمان و قابلتها صدفة و بتسالك انت عامل ايه ازى احوالك ؟
ترد بمنتهى السذاجة ...انتى مش شايفانى فرحان و سعيد انى قابلتك ااقوم ارقصلك يعنى؟

2- ولما ترد و تقول خلاص انا اسفة
ترد و تقول شىء طبيعى

3- لو كنت ماشى فى الشارع و عدت قدامك واحدة حلوة طبعا من الزوق و الادب انك تعاكسها بمنتهى الغتاتة او على الاقل ترش عليها ميه!!

4- لو كنت فى عرابيتك و عدى من جنبيك عربية و فيها بنت حلوة افضل باصيصلها و متنح و لما تسالك انت بتبصلى كده ليه شد على الرابع و نفضلها.......

5- لو اتصلت بواحد و النمرة غلط و ردت عليك واحدة و قالتلك النمرة غلط من الطبيعى جدا انك ترد عليها و تقولها ماعليش اصل صوتك شبه صوت عماد بالظبط.

6- لو ماشى مع بنت جميلة جدا و بتسالك عن رايك فى شكلها قولها
هايلة يا حياتى بس لو فيه منك على حريمى!!!!!!
(اللى مافيهمهاش يسالنى)

7- لو عايز تغتت اكتر و اكتر على اى بنت فى الشارع و قف اى واحدة واسالها الساعة كام هتقولك مثلا : الساعة 4.30
بص فى ساعتك و قوللها تمام الساعة بتاعتك مظبوطة!!!!!

8- لو راكب عربية نقل (مقطورة) وعدت قدامك بنت فمن الجنتلة انك تيجى جنبها و تزمر على اخرك.....

9- لو نفسك تمشى مع بنت فى كليتك و كانت جاية تطلب منك حاجة للمرة الاولى فى حياتها (والطريقة مجربة و جابت مفعول) .....
هتنادى عليك........
- احمد .... ممكن لو سمحت......
- بصلها و اضحك فى و شها و بعدين دير وشك و نفضلها خالص و لا كانك شفتها قبل كده......
طبعا و شها هيبقى شبه الطمطماية لكنها بعد كده هتروح تشتكيك لزميلاتها و تقول عليك انك و لد تنك و ماعندكش دم و لا ذوق....
و فاجاة روح كلمها عادى و لا كان حاجة حصلت......
هتحتار فيك و تعجب بيك.... و يمكن تحبك.....

10- لو انت فى محل ودخلت بعديك بنت طبعا من الزوق انك تقول للبياع خلص الانسة الاول ........
و البياع لسة بيجيبلها الحاجة قوله : ماتخلصنى بقالى ساعة قدامك و بعدين بتمشى الانسة ليه انا جى قبلها
(طبعا اعمل حسابك ان البقال هيضربك باى حاجة فى ايده)

11- لو انت مع بنت و هتركبوا تاكسى و غيران عليها و خايف للسواق يقعد يبصلها فى المراية
طبعا اتصرف على الفور و قعدها جنبه و اقعد انت ورا!!!!!!

12- لو انت مصاحب بنت جادعة قوى و بتقف معاك فى كل المواقف المنيلة اللى بتحصلك و اخر موقف انك نايم على السرير بعد ما انضربت من شوية رجالة كانوا بيعاكسوها و انت عملت فيها احمد عرابى ....
امسك ايديها برومانسية و بص فى عنيها و لو لابسة نضارة ماتبصش وقولها: انا مش عارف ارد جمايلك دى كلها ازاى لما رسبت السنة اللى فاتت و قفتى جنبى... و لما اتثبت و اتسرقت هدومى و فلوسى و قفتى جنبى .....و لما ابويا مات وقفتى جنبى ......
مش عارف ليه يا حياتى حاسس انك فقر و نحس!!!!!!!!

13- لو خطيبتك كانت فى رحلة وورتك صورة متصوراها جنب قفص القرود و بتسالك عن رايك فى الصورة الجنان دى؟؟؟
قولها: هو انتى مين فيهم!!!!!!!!

14- لو كنت ماشى مع بنت سامرة (على فكرة انا بموت فى السمر ماتفهمونيش غلط انا حتى اللى بمشى معاها شبه سامية جمال!!) وكانت لابسة فستان احمر و قاليتلك دلعنى....
قولها : يا فحم مولع..!!!

15- لو كنت ماشى مع بنت و شفت شاب بيبوس ايد حبيبته (رومانسية طبعا.. وولد جنتل قوى يعنى) و بتقولك ماتبقى تعمل زيه
رد عليها و قولها : واعمل زيه ازاى و انا ماعرفش البنت اللى بيمشى معاها!!!!!!

16- لو بتسالك فى غيرة ( انا عرفت انك ماشى مع بنت تانية غيرى اسمها دعاء و شاقرة) رد و قول لا و الله انا ماشى مع بنت خمرية و اسمها سارة!!!!!!!

من طرف **امانى** الأربعاء يونيو 29, 2011 11:38 pm

سلــــمـــــت يـــداك عـــلى هــذا الـــزجـــل

فين يا مصر رجالتك فين

دول ماتوا خلاص في 73
أيام زمان كان دمهم حامي

دلوقتي خلاص بيقولوا بابي ومامي

حالهم بقى مايل وبقوا منظر

ومش فيهم واحد كده مرجل

واقف بمياعه ع الناصيه

بيغتت ع الناس الماشيه

معاكسات معاكسات كده بأسلوب رزل

للي لابسه محترم واللي لابسه مبتذل

ولما يعرف ان أخته كان في واحد بيعاكسها

الواد دمه يغلي ويقوم في البيت حابسها

ماتلومش حد

لكن في شباب رائع وعظيم

شفت شبابنا إزاى بيثور
دول بركان عالظلم يفور
مبيكفيش على خبره ماجور
فتيان فتيات هما ولادنا
بس قلوبهم من بنور
قضوا عالسجن وعالسجان
طاروا لعالى وعبروا السور
رغم سنين السجن السوده
رغم جناحهم كان مكسور
وبعد ما حسوا بالحريه
رجعوا وهتفوا بقلب جسور
يلا ياشعب تعالوا معانا
لسه الظلم فساد مستور
إصحىَ وصحى الكل هدفنا
أول خطوه نهد السور
وقع السور فوق السجان
والظلمات بددها النور
ياه ياشباب ياما قلنا عليكوا
دى بنات نت وواد فرفور
طول الليل عالنت بيلعب
ونهارهم هيافات وفجور
سامحينى ياساره وإنتى ياسالى
وإنت إقبل عذرى يا منصور
فيكم شهداء للحريه
ثمنها الغالى أغلى زهور ..

رد الاستاذه امانى رائع وجميل جدا

فنانه ومبدعه

شكرا

من طرف **abdullah99** الخميس يونيو 30, 2011 7:31 am

ههههههههههههههههههههههههه
تسلم يا باشا

من طرف **حنين الليل** الخميس يونيو 30, 2011 8:42 am

دعيني أنحي قلمي قليلا
أقف أحتراما لكِ ولقلمك وأشد على يديك لهذا الابداعا
لذي هز أركان المكان

لك خالص احترامي

يا استاذة امانى

من طرف **سحر الشرق** الخميس يونيو 30, 2011 8:58 am

ايه الابداعات الرائعه دى يا شباب

حنين ثم احمد ثم امانى

من ابداع الى ابداع الى ابداع

دمتم فى رقى

من طرف **المدير العام** الخميس يونيو 30, 2011 9:16 am

يا شباب النيل هبوا .. لندائي هيا لبوا

مصر ترجوا من بنيها .. أن تآخوا وتحابوا

فعلى الحب ربيتـم و .. على المجد تشبُّوا

لكي من العنصرين .. المود والمحبُ

ونضحي في سبيلك .. بجيوشٍ وحشود

خرج الكل طوائف .. افتداء يومك الموعود

حب مصراً في الصدور .. أخذوا عليه العهود

مصر يا أرض الكنانة .. سنحفك كالســدود

وحلفنا باللــه دوماً ألا .. يجتاحك لـــــــــدود

وبالله نحن نقســــــم .. أن نصون للعهــــود

نحن نبقى شباب مصر .. شباباً يرجو النهوض

الشباب الرايق

الشباب الرايق

رد: الشباب الرايق

رد: الشباب الرايق

رد: الشباب الرايق

رد: الشباب الرايق

رد: الشباب الرايق

رد: الشباب الرايق

رد: الشباب الرايق