اشتمني....هزقني....بموت في الشتيمه

السلام عليكــم ورحمــة الله وبركاته

فــى الأوقــات اللى أحنــا عايشينها دى
ظهــر حــاجة غريبــة.. وهــى حــب الشتايــم والتهزيق.. لأ وكمان التفنن فى الشتيمة
وبعد كل ده.. اللى يشتم ويتفنن فى شتيمته.. ولازم يكرر الشتيمة كتير علشان ياخد اللى اللقب .. لانه هيلقب ب(أبو دم خفيف.. النكته.. المشكلة..ومن الأخر الواد ده عسل)^_^

تعالوا نشوف بعض المواقف
والشتايم هنكتب مكانها(*****)
................................
الموقف الأول
...............
واحد لسه مقابل صاحبــه الصبح.. ومش اى صاحب ده انتيمه يعنى مش اى حد
أ.:..صباح الخير يا ابن ال(***) انا مشوفتكش من امبارح ياراجل
كل يوم اصطبح بوشك.. ايه القرف ده ع الصبح

ب:.. هههههه والله انت مشكلة يابنى انت مدام شوفتنى الصبح اعرف ان يومك فل

الموقف التانى
.................
واحده بتهزر مع صاحبتها.. اللى فى الغالب بتقولها ياواطية او يازبالة اوياناقصة.. ومعرفش ايه اللى يضحك فى كده!!!!

أ..بقى يا(****) تيجى الكليه ومعرفش الا بالصدفة.. ده انتى صحيح(***)..والله لأعلقك

ب..ههههههههه ياحبيتى انا كنت جيالك اهه فى السكه والله بس انتى سبقتينى عمرك اطول من عمرى يا(***)

الموقف التالت
................
مجموعة شباب بيتفرجوا على ماتش

أ.. (بيوجه كلامه للاعب)..يابن ال(***) ..ده انت صحيح(***).. ماقدامك الكورة اهه أجى اشوطها يا أعمى..ضيعت الكورة يخرب بيتك

ب.. يخربيت ده لاعب على دى فرقة(***********).. الله يحرقك بجاز

موقف رابع
.............
واحنا واقفين علشان نجيب الفاينل
كمية شتايم وقلة أدب بين الصبيان وبعضهم
وخدوا بالكوا مبيتخنقوش(دول بيهزروا)^_^..ولابيرعوا بنات واقفة ولا بينكسفوا على دمهم اصلا

الموقف الخامس والأخير
.........................
شفت اكتر من حد بيعلم الأطفال الشتيمة وقلة الادب
يعنى مثلاً روح قول لايمان مثلا يا(****) ولما الولد يشتم البنت يضحكوا
وشتايم منتهى السفالة وقلة الأدب
وبيضحكــوا
عـــــــادى

يعنى أنا معرفش .. البنى ادم اللى بيتشتم ده معندوش ادراك انه اتهزق ولا ايه!!؟

نيجـــى للجد بقى
......................
أولاً: عارف ان حد هيقول:.. انا بشتم وراضى واللى بشتمة بيوقع على الأرض من الضحك وراضى.. مالك انت ومالنا ياقاضى

هقولك: .. انت عايش انت وصاحبك فى مصايب هتوديكوا فى داهيه
وانتوا مش مهم.. عقلكوا فى راسكم تعرفوا خلاصكم.. انما بتبوظوا جيل جاى وأطفال ودانها اتعودت على الشتيمة وقلة الأدب
يعنى خسرتوا دنيتكوا براحتكوا بس بلاش اخرتكوا كمان

كده هيبقى عندك (((سيئـــــــــــة جـــــــــــــاريــة)))ـ

الشتــايــم الهــزار دى أنــواع
...................................
شتايم بتتقال من الصبيان وفى بنات بيقولوها
لحد مابقيت عادة

طيب ودى ضررها ايه.؟؟ دى بتتقال علشان نفرفش يعنى.. متحبكهاش

هقولك اللى عندى وأحكم انت الضرر
أولاً الأحاديث
قال سيدنا محمد(صلى الله عليه وسلم).ـ
( إن الله يبغض الفاحش البذيء)
وفى حديث أخر
( سباب المسلم فسوق وقتاله كفر)
وقال أيضاً
( من يضمن لي ما بين فكيه اى اللسان وما بين رجليه اى العوره أضمن له الجنة )

طيب فى سب تانى بيتعلق باللعن والعِرض وده مصيبة أكبر
واللى بيتشتموا بيضحكوا برضو!!!
مع انه يُعد من الكبائر

قال صلى الله عليه وسلم
( لعن المؤمن كقتله )

قال الله تعالى: (وَالَّذِينَ يَرْمُونَ الْمُحْصَنَاتِ ثُمَّ لَمْ يَأْتُوا بِأَرْبَعَةِ شُهَدَاءَ فَاجْلِدُوهُمْ ثَمَانِينَ جَلْدَةً وَلا تَقْبَلُوا لَهُمْ شَهَادَةً أَبَداً وَأُوْلَئِكَ هُمْ الْفَاسِقُونَ) (النور/4)

قال الله تعالى: (إِنَّ الَّذِينَ يَرْمُونَ الْمُحْصَنَاتِ الْغَافِلاتِ الْمُؤْمِنَاتِ لُعِنُوا فِي الدُّنْيَا وَالآخِرَةِ وَلَهُمْ عَذَابٌ عَظِيمٌ) (النور/23).

عن أبي هريرة رضي الله عنه أن رسول الله صلى الله عليه وسلم قال: ((اجتنبوا السبع الموبقات)) قالوا: يا رسول الله، وما هن؟ قال: ((الشرك بالله،
والسحر، وقتل النفس التي حرم الله إلا بالحق، وأكل الربا، وأكل مال اليتيم، والتولي يوم الزحف، وقذف المحصنات المؤمنات الغافلات)). متفق عليه .

بالنظر للحديث و اللآيات نلاحظ أن الله تعالى قد عاقب هؤلاء القاذفين للمحصنات بثلاث عقوبات:
*أولاها: حسية: وتتمثل في جلدهم ثمانين جلدة ، وهي عقوبة قريبة من عقوبة الزنا ، و قد سمعت في إحدى المحاضرات الدينية أن بعض أهل العلم قال يجلد على عدد من قذفهم فمن قذف الشعب المصري كله فيضرب 80 مليون جلده!!!!

*وثانيتها: معنوية: وتتمثل في عدم قبول شهاداتهم بأن تهدر أقوالهم، ويصيروا في المجتمع أشبه ما يكونون بالمنبوذين، الذين إذا قالوا لا يصدق الناس أقوالهم، وإن شهدوا لا تقبل شهادتهم لأنهم انسلخت عنهم صفة الثقة من الناس فيهم.

*وثالثتها دينية: وتتمثل في وصف الله تعالى لهم بالفسق.أي: الخروج عن طاعته سبحانه وعن آداب دينه وشريعته.

وابقـــــى أضحـــك كــــويس ياللى بتشتم يوم القيامة

وفى حاجه تانية .. انا ملاحظ ان الشتايم لازم يبقى معاها اوقبلها او بعدها لفظ الجلالة((الله))ـ
ولو مقلهاش اللى بيرد عليه يقول ((والله))ـ

قال تعالى

: {ولا تجعلوا الله عرضة لأيمانكم} [سورة البقرة :224]

وفى الغالب بيبقى الحلف عن كذب ومجاملة

قال النبي صلى الله عليه وسلم :

« من حلف بالله فليصدق ، ومن حلف له بالله فليرض » وقال أيضا :

« ولا تحلفوا بالله إلا وأنتم صادقون » .

هبقى انزل فى موضوع تانى لوحد شتمنى أعمل ايه!!؟
...............................................
الموضوع خاضع للأراء
اللى شايف اى غلط يقوله
...............................................
اللهم قد بلغت .. اللهم فأشهد
اشتمني....هزقني....بموت في الشتيمه 829894