ممكن اكلم سالى ههههههه

المشهد الاول



(يظهر بدر فى حجرته ويتحدث فى الهاتف)
بدر :قوليلى يا سالى اجيب بلاط شقتنا موزايكو ولا سيراميك ؟
سالى :المزايكو اوفر ...واهو كله بينداس عليه.
بدر بصوت عالى : لا ما يهمكيش
الفلوس ...دا انا فييس حقيقى واللى فى جيبى فى ايدى .
الاب من الخارج: فاتورة التليفون خمسمية جنيه يابغل .
بدر يغلق السكة بسرعة : وبصوت عالى مش انا الى طالب .




المشهد التانى




بدر (يضع كارت اتصالات فى كابينة عمومية فتظهر التعليمات )باقى من رصيدك اربعة قروش تكفى لثلاث كلمات وحرف جر .
بدر يطلب رقم سالى :انا بكلمك من..... تيت تيت تيت (ينقطع الاتصال) انتهى رصيدك ... من فضلك اسحب الكارت وقطعه اربع تربع ...
او ابتعد قليلا ،فسوف تنفجر الكابينة اوتوماتيكيا...




المشهد التالت



يظهر بدر امام محل سنترال مغلق بعد منتصف الليل بدر يتلفت يمينا ويسارا ثم يخرج من جيبه
عدة مفاتيح محاولا اختراق القفل بدر يشعر بيد تربت على كتفه فيظهر طفل صغير يمسك كرة
قدم بدر :ايه الى مصحيك يا حبيبى ؟
الطفل :عامنفخ الكوغة .
بدر : انت بقك مقلوب ولا الدغ فى كل الحروف؟
الطفل :عايززززززز امفخ الكووووووغة .
بدر : غور ياد من هنا ،بدل ما اخبطك اخليك تتكلم بالتشكيل .




المشهد الرابع




(يخترق بدر القفل ويدخل السنترال ،بدر يطلب رقم سالى )
بدر :ايوة يا سالى مكملناش
نكمل...عايزة السخان غاز ولا كهربة ؟
(يفاجا برجل يفتح الدكان ويدخل عليه) الرجل :عايز اكلم اختى
شاديه من سوريا ...ابنها بلع تى شيرت.
بدر :ابن خالتى برده بلع جنيه فضة بس نزل 95 قرش.
الرجل :كده يبقى فاضل شلن.
بدر:ماكنش فيه فكة نزل بداله مشط كبريت .





المشهد الخامس




(يظهر بدر وهو يتحدث مع سالى وتظهر الكبائن كلها مشغولة بالزبائن)
كابينة 1 يظهر رجل ) ايوة يا شاديه ياختى ايش لونك؟
كابينة 2 يظهر صومالى وهو يضحك
كابينة 3 تظهر امرأة هترجع امتى من السعودية يا ابو ايمن ،بقالك سبع سنين بتعمل عمرة يا أخويه .



المشهد السادس


(فى قسم البوليس ،يظهر بدر امام الضابط)
بدرللضابط : حضرتك القانون بيدينى حق بمكالمة

ممكن اكلم سالى



ايه ياعم بدر انت مدمن سالى ولا ايه ههههههههههه

بحبكم فى الله اتمنى اكون رسمت الضحكه على وجوهكم

بيست ويشز

ايه ياعم هو فيه بدر كده وبالنسبه لسالى مفيش مره تتصل بيه هيا



موضوع رائع تسلم ايديك يابرنس



احترامى وتقديرى

ههههههههههههه

تسلم يااحمد على التوبيك التحفة

احترامي وتقديري

حتى فى قسم الشرطه بدل المحامى برضه بيتصل بسالى

هههههههههههههههه

ودى واحترامى