من شعب مصر للأخ مهند (الملزق)

ياعينى دة واحد متعصب ودمة اتحرق من الاخ مهند بتاع المسلسلات التركية
تعالوا نشوف بيقول اية


اسمع بقة يا عم مهند انا مش حخلص من مسلسلك التربنين حلقة دة بتاعنوراللى كلة تسبيل وحركات وتطلعى
بالعشق الممنوع

والموضوع مش ناقص وسامة اهلك مع ان شايفك عيل ملزق اساسا وملكش طعم بس فى واحدة تخصنى ميتمة برومانسية اهلك وكانت بتحلم ترتبط بواحد زى مهند وحظها بقى انها وقعت من قسمتى
وطبعا انا مفرقش عنك كتير فى الوسامة والاناقة

المهم انك تركى وانا مصرى
فأنت بقة تلم الدور عشان مجبش تركيا عليها واطيها بشوية مسلسلات مصرية من الاخر ومش بطولة العبد لله
علشان انت مش حمل حلقة واحدة من مسلسلاتى انا هنزلك بمسلسلات العيال الصبيان بتوعى اللى معلمهم
الفن والتمثيل على اصولة ..

زى النبغة بسام شديد ودة بقة عامل مسلسل كلاسيكى رومانسى بلاموطى مكون من 20828 حلقة اسمة
(علمنى العوم ونبى يا احمد )
والمسلسل دة طلق نص حريم مصر وعطل الجواز 10 سنين
واضطرينا نجوز الواد عشان نحل المشكلة
ولو منفعش المسلسل دة هاجبلك التقيل قوى نجم نجوم الوسامة فى مصر محمد زكريا
بمسلسل (العاشق المفترى والعيال الفرافير)

ودة بقة مش هيقعدك فى البيت وبس لا دة هيجيب الدراما التركية لمس اكتاف وطبعا دة كلة علشان منزلكش انا بنفسى واما ادراكا بقى بجابر الدراما العربية يعنى الضربة القاضية يعنى مش هتلاقى موزة تمثل معاك والا تعبرك يعنى تقعد بسلمتك فى البيت تهوى على عيونك الزرق لامؤاخذة وساعتها تبوس ايدى عشان اطلعك فى مشهد كومبارس صامت ..

وعموما دة انا هعتبرة انذااار اخير خوفا على مستقبلك فحاول بقى تهده شوية كدة وتبطل تسبيل
انا مش هخلص من عمرو دياب تطلعلى انت يا عم الامور