رد: حوار مع عضو

اجابات منطقية وجميله ومفيده من اخ اكبر لنا

والف مليون سلامه على محمد ابن حضرتك

شفاه الله وعفاه وبارك لك فيه

ودى واحترامى

من طرف **abdullah99** الأربعاء مارس 30, 2011 10:40 am

امين
الله يسلمك وشاكر ومقدر لمرور حضرتك

اهلا بالاستاذ عبدالله

- صــف نفســـك بكلمتيـــن فقـــط..!
< 2> -مــاهــو الشــئ الذي ندمــت علــي عمـلــــه؟!؟
< 3> -كـلمـــة تمنيـــــت انك تسـتطيـــع سحـبهــــا؟!؟
<4>-دمـعـــه انـذرفــــت رغـمــاً عنـــك؟!؟

<5>-شــئ او شخــص غيــّر مجــري حياتـــك؟!؟
<6>-كلمة تود سماعها كل يوم؟!؟
<7>- شــئ او عمــل لا تستطيــع مســامحته؟!؟
<8>-حلم لم تستطع تحقيقه؟
<9>-موقف صدمك ولن تنساه؟
<10>-شخص تتمنى ان تقول له شكرا

من طرف **abdullah99** الخميس مارس 31, 2011 12:46 pm

- صــف نفســـك بكلمتيـــن فقـــط..!
مسلم عربي سعودي
< 2> -مــاهــو الشــئ الذي ندمــت علــي عمـلــــه؟!؟
ليس ندم ولكن بعض الأسف لأني لم أندم ولن أندم والحمد لله وهو إني سبت النيابة بعد ما كنت وكيل نيابة
< 3> -كـلمـــة تمنيـــــت انك تسـتطيـــع سحـبهــــا؟!؟
كلام كتبته بعفويه في أحد ردودي على عضو وحسيت إنه زعل ولكن تم تدارك الوضع والحمد لله وأقدم أسفي له مرة ثانية
<4>-دمـعـــه انـذرفــــت رغـمــاً عنـــك؟!؟
عندما أسمع أو أقرأ القرآن
<5>-شــئ او شخــص غيــّر مجــري حياتـــك؟!؟
فضيلة الشيخ الدكتور سعود الشريم إمام وخطيب المسجد الحرام بمكة
<6>-كلمة تود سماعها كل يوم؟!؟
كلمة التوحيد لا إله إلا الله محمد رسول الله
<7>- شــئ او عمــل لا تستطيــع مســامحته؟!؟
الغدر والخيانة
<8>-حلم لم تستطع تحقيقه؟
المحافظة على كل فرض في المسجد وأرجوكم ادعوا لي بذلك
<9>-موقف صدمك ولن تنساه؟
موقف من عشر سنين تقريبا ولا زلت أعيش حزين بسببه
<10>-شخص تتمنى ان تقول له شكرا

كل إنسان يدعو لي بخير أقول له ولك مثله وشكرا

موفئين

ونختار عضو جديد وخلاص مدة استضافتك انتهت يا استاذ عبدالله

شاكرين حسن الاستضافه الجميله

كنت صادق فى كلامك وواقعى جدا

ونختار

"

"

"

الاستاذ احمد عبدالباسط

فليتفضل الساده الاعضاء بتقديم اسئلتهم للاخ احمد

منتظرين حسن تعاونك يا استاذ احمد

بالتوفيق

اي حد بيسال ؟؟

اى حد جميع الاعضاء من حقهم يسألوا زى ما يحبوا

وهو له حريه الرد او عدم الرد على الاسئله الشخصيه

ياريت تشتركى معانا علشان تكونى ضيفه شرف المره الجايه

احترامى

من طرف **سحر الشرق** الأربعاء أبريل 06, 2011 5:20 am

اشكرك يا عبدالله على صدقك

وحرصك على الدائم على طاعة الله

والف مليون سلامه على محمد ابنك ولعله يكون الان بخير ان شاء الله

من طرف **سحر الشرق** الأربعاء أبريل 06, 2011 5:22 am

احمد عبد الباسط

- صــف نفســـك بكلمتيـــن فقـــط..!
< 2> -مــاهــو الشــئ الذي ندمــت علــي عمـلــــه؟!؟
< 3> -كـلمـــة تمنيـــــت انك تسـتطيـــع سحـبهــــا؟!؟
<4>-دمـعـــه انـذرفــــت رغـمــاً عنـــك؟!؟

<5>-شــئ او شخــص غيــّر مجــري حياتـــك؟!؟
<6>-كلمة تود سماعها كل يوم؟!؟
<7>- شــئ او عمــل لا تستطيــع مســامحته؟!؟
<8>-حلم لم تستطع تحقيقه؟
<9>-موقف صدمك ولن تنساه؟
<10>-شخص تتمنى ان تقول له شكرا

[/quote]

-حكمتك المفضلة

2-أكلتك المفضلة

3-مشروبك المفضل

4-أجمل أيام الأسبوع

5-أجمل رحله قمت بها

6- عضو أو عضوه ترتاح له :

7-عضو أو عضوه حزنت لفراقها

8-أين نجد أسرارك

9-لمن تشكي همومك

10- ما أجمل اسم من الاناث

11- ما أجمل اسم من الذكور

12-أجمل هديه حصلت عليها

13-موقف محرج أو مضحك مر عليك

هبقى اسأل بعد ما يجاوب على اسئلتكم

ودى واحترامى

1)) انت علمي ولا ادبي ؟؟

2)) مادة انت بتحبها ؟

3)) مادة بتكرها ؟

4)) استاذ بتحترمه جدا ؟

5)) طموحاتك في الحياة ؟

هبئي اكمل لما تفوت

- صــف نفســـك بكلمتيـــن فقـــط..!
البرنس ... الروقان كله ....

< 2> -مــاهــو الشــئ الذي ندمــت علــي عمـلــــه؟!؟
اشتراكى فى المنتدى ..... اصلى اتعلقت بيه اوى ههههههه

< 3> -كـلمـــة تمنيـــــت انك تسـتطيـــع سحـبهــــا؟!؟
كلمه بحبك اصل معناها كبير اوى مش كلمه وخلاص

<4>-دمـعـــه انـذرفــــت رغـمــاً عنـــك؟!؟
الحمد لله الدموع استحاله تنزل منى قلبى حجر بعيد عنكم

<5>-شــئ او شخــص غيــّر مجــري حياتـــك؟!؟
الكبير ... المدير العام

<6>-كلمة تود سماعها كل يوم؟!؟
انت واد دمك خفيف

<7>- شــئ او عمــل لا تستطيــع مســامحته؟!؟
الخيانه

<8>-حلم لم تستطع تحقيقه؟
الحلم بتاعى بيتمنى يتحقق معايا هههههه ثقه

<9>-موقف صدمك ولن تنساه؟
مفيش

<10>-شخص تتمنى ان تقول له شكرا
سمسمه شكرا ياباشا على الاسئله

-حكمتك المفضلة
امشى عدل يحتار عدوك فيك

2-أكلتك المفضلة
المحشى هههه

3-مشروبك المفضل
نسكافيه

4-أجمل أيام الأسبوع
اى يوم اجازه وفيه لعب كوره

5-أجمل رحله قمت بها
دانت اكتر واحد مبترضاش تخلينى اروح رحلات

6- عضو أو عضوه ترتاح له :
عضو المدير ، عضوه سمسمة وخطيبه المدير

7-عضو أو عضوه حزنت لفراقها
هو فيه اعضاء ماتوا وانا معرفش

8-أين نجد أسرارك
فى عبى هههههههه مبتطلعش بره

9-لمن تشكي همومك
لربنا ثم للكبير المدير

10- ما أجمل اسم من الاناث
نفيسه ههههههههه

11- ما أجمل اسم من الذكور
ابو موته هههههههه

12-أجمل هديه حصلت عليها
لسه اما اشوف لما ينزل

13-موقف محرج أو مضحك مر عليك
فى مره المدير اتآخر وكان سهران مع اصحابه من سنتين ثلاثه وبعدين بابا اتخنق منه وقفل الباب من جوه
وهو معاه مفتاح معرفش يفتح وبابا قاعد مستنيه الساعه 3 بالليل وجه ياعينى يخبط على شباك اوضتى
وانا عملت نفسى نايم وبخترف فى الكلام معاه وهو يتحايل عليا اقوم افتحله علشان بابا ميحرجوش بالكلام
وفى الاخر قمت فتحتله صعب عليا وبابا كان صاحى وقاله حمدلله على السلامه يابيه ما هى لوكندا
ضحكت كتير ، هههههههههههههه اضحك ياعم ماشى

1)) انت علمي ولا ادبي ؟؟
ادبك

2)) مادة انت بتحبها ؟
الانجليزى

3)) مادة بتكرها ؟
الرياضيات

4)) استاذ بتحترمه جدا ؟
عبدالمعطى

5)) طموحاتك في الحياة ؟
السعاده وراحه البال

هبئي اكمل لما تفوت
افوت فين

حد له شوق فى حاجه قبل ما اخرج

مش فاضى عندى مذاكره هههههههههه

انا داخل علشان الاسئله بس

قصدي تفوت الموضوع يعني

ماشى ياحاج

موقف ضحكك مفيش هدايا

اشبع بقا

حبيب قلبى حريه الرائ فين

وانت اللى سألت

ياكبير

مليش فيه

روميســــــــــاء كتب:قصدي تفوت الموضوع يعني

اه ادينى فوت على الموضوع

حد عنده اسئله تانى

العرض مجانى بس مش هيتكرر تانى

مطرب بتحبه ؟؟

مطربه بتحب تسمع ليها ؟؟

اغلي انسان بحياتك ؟؟

انسان بتكرهو كتير ؟؟

انسان بتثق فيه ثقة عمياء ؟؟

انسان كداب ؟؟

انسان حابب يخرج من حياتك ؟؟

بتقتنع بحاجة اسمها حسد ؟؟ وموقف شوفته خفت منه كتير

من طرف **ريهام** الأربعاء أبريل 06, 2011 7:16 pm

احمد باشا

نورت المنتدى ايه

الردود الجامدة دي

انت استاذ دمك خفيف

تقبل تحياتي

طب والله العظيم المنتدى منور بالجميل

انا كنت لسه هخرج واروح اذاكر

بس تتحرق المذاكره فى دماغ صحابها

انا قاعد على قلبكم ههههههههه

سلامى لخطيبه المدير العام

مطرب بتحبه ؟؟
تامر عاشور

مطربه بتحب تسمع ليها ؟؟
اليسا

اغلي انسان بحياتك ؟؟
عائلتى كلها

انسان بتكرهو كتير ؟؟
؟؟؟؟؟؟؟ امممممممممممم بلاش احراج ههه

انسان بتثق فيه ثقة عمياء ؟؟
المدير

انسان كداب ؟؟
لسه مقابلتش حد كده انا بنتقى اصحابى على الفرازه

انسان حابب يخرج من حياتك ؟؟
يالهوى دلو فيه حد كده انا كنت قتلته هو انا لسه هحب يخرج

بتقتنع بحاجة اسمها حسد ؟؟ وموقف شوفته خفت منه كتير
بقتنع طبعا ..... موقف واحده جارتنا اعوذ بالله لو شافت حد وبصتله ياويله وسواد ليله
مره شافتنى وانا راجع البيت من المدرسه وبصت على العسل اللى ماشى
فضلت يومين تعبان منها لله
اشوف فيها يوم

من طرف **سحر الشرق** الأربعاء أبريل 06, 2011 8:38 pm

اشكرك يا احمد على صراحتك

وانت والله دمك خفيف

ههههههههههههههههه

والاستاذ محمد قلبه كبير وهايسامحك

مش كده يا استاذ محمد؟؟؟؟

اه كده طبعا انا ليا غيره اصلا

ويلا نستضيف حد تانى ولا ايه رايكم

هو المفروض انه ثلاث ايام

يأخد مدته ولا نكمل احنا ونختار حد تانى

من طرف **سحر الشرق** الخميس أبريل 07, 2011 5:19 am

من طرف **سحر الشرق** الخميس أبريل 07, 2011 5:27 am

من طرف **المدير العام** الخميس أبريل 07, 2011 8:57 am

ماشى نسيبه شويه علشان خاطر سمسمة

احترامى

متأآآبعة

1-مــــن انـــــــت ؟

2- ما هو هدفك ؟

3-ما هي أمنيتك ؟

4-ما هي رؤيتك للحياة ؟

5-ما هي رسالتك في هذه الحياة ولمن توجهها ؟

6-ما هي التجربة التي تتمنى تكرارها ؟

7-ما هو أفضل مكان تتردد إليه ؟

8-مـــــن اكثر شخص تقدره ؟

9-من هو توأم روحك ؟

10- ماهواكثر شئ تخشاه ؟

11- ماالذي يشعرك بأكثر قدر من الحرج ؟

12-شخص تحتاج لقربه الآن منك ؟؟

13-متى تغضب ؟

14-باقة ورد لمن تهديها؟

15- باقة شوك لمن تهديها ؟

16- شخص لاترفض له طلبا ؟

17-ما هي أعظم صفة تفضلها ؟

18-وما هي اكره صفة تنبذها ؟

19-أعظم شيء فقدته ؟

20-وأعظم جرح دفنته ؟

21- اسوأ خبر سمعته ؟

22-ماذا يمثل لك الموت ؟

23-دعوه صادقه من اعماق قلبك لمن تهديها ؟

24-اوصف نفسك كما تراها ؟!

25-و اخيراً صف نفسك بكلمات بسيطة كما يراك الناس ؟؟؟؟

ايه رايك ياسمسمة هنعصره صح اهو

ودى واحترامى

من طرف **سحر الشرق** الخميس أبريل 07, 2011 1:25 pm

تمام كده يا لؤلؤ

عصير على اصول

هههههههههههههه

ربنا معاك يا أحمد

يا هلا ويا غلا فيك

_ ما أجمل شئ بالحياة ...؟؟
حب حقيقى

_ ما أسوء شئ بالحياة ...؟؟
الخيانه والفراق

- لو كنت تقدر تتحكم في الزمن فتتمنى تعيش في أي زمان ؟؟
اى زمن بس عدا زمن حسنى مبارك هههههه يعنى مش هتمنى

_ متى تكذب على نفسك ...؟؟
اوقات كتير بحاول اقنع نفسى انى مذاكر كويس وخلاص حفظت الماده وادخل الامتحان احس انى دخلت مرحله غير اللى انا فيها
ابقى فى اعدادى احس بامتحانات ثانويه وامتحانات الثانويه شكلى هحسها رساله دكتوراه هههههه

ـ موهبة تشعر أنك تفتقدها..؟؟
موهبتى بجد لعب كوره قدم

ـ صفه سيئة تتمنى التخلص منها..؟؟
خفيه الدم والهزار

صفه تتمنى اكتسابها ..؟؟
اتحكم فى اعصابى وميبقاش لسانى سابق تفكيرى على رائ المدير

ـ العلاقات في الإنترنت تصبح قوية بصورة سريعة وسرعان ما تضعف وتتحطم
ايه رأيك في الجمله....؟
بصراحه انا مش مع علاقات الانترنت بس دلوقتى معاها لان عدى عليا تجربه حلوه وعلاقه حلوه بالانترنت وانا شايفها ناجحه جدا

_ بلد تتمنى زيارتها ؟؟؟؟
السعوديه

لو كنت تملك 3 أمنيات ....ايه هيا الأمنيات ديه ؟؟؟
الامنيه الاولى اوصل للاشراف
الامنيه الثانيه اتجوز صغير هههه
الامنيه الثالثه ربنا يكرمنى بكليه كويسه ومجموع عالى

_ إنسان لا تمل من الحديث معه ..؟؟
المدير

_ ما الذي يبكيك وما الذي يضحكك..؟؟
معرفش حاجه اسمها بكاء بجد ده حاجه تقرف والله مهما بيحصل مبعيطش خالص
مواقف الضحك كتير ومتنوعه

شخصيه أسلاميه تتمنى تقابلها ..؟
محمد حسان - المنصوره حد منها ياجماعه

شخصيه سياسيه تتمنى تتشرف بالسلام عليها..؟؟
مش عايز اشوف وش حد منهم خربوا البلد وهربوا

شخصيه تاريخيه تقف لها أحتراماً ..؟؟

جمال عبدالناصر

اعتراض سياده القاضى ايه الظلم ده

سمسمة ولؤلؤة مستقصدنى على الاخر

ونازلين فيا عصر ولا حياه لمن تنادى

----

1-مــــن انـــــــت ؟
احمد باشا عبدالباسط .. حصلنا الرعب ياسيدى

2- ما هو هدفك ؟
ابقى نجم ولاعب كوره مشهور زى ابو تريكه

3-ما هي أمنيتك ؟
الجواز هههه ايه ياعم انت مسروع على الجواز كده ليه صح

4-ما هي رؤيتك للحياة ؟
الحياه صعبه منه له اللى صعبها علينا ومشى

5-ما هي رسالتك في هذه الحياة ولمن توجهها ؟
رسالتى اتقى الله حيثما كنت واتبع السئيه الحسنه تمحها لكل المسلمين

6-ما هي التجربة التي تتمنى تكرارها ؟
موقف المدير العام ايه .... ها حد فاهمنى اللى فات من شويه ههههههه

7-ما هو أفضل مكان تتردد إليه ؟
استاد كفرالشيخ الرياضى عقبال استاد القاهره الدولى قولوا امين .. يارب اللى ما يقول امين يموت ههه

8-مـــــن اكثر شخص تقدره ؟
صراحه المدير بسيط واخ وصاحب ومثال وقدوه ونفسى اكون زيه

9-من هو توأم روحك ؟
حبيب قلبى الباشا الكبير

10- ماهواكثر شئ تخشاه ؟
الفشل والصقوط فى الدراسه هأكل ضرب بس ولا بيأثر

11- ماالذي يشعرك بأكثر قدر من الحرج ؟
اااه لما المدير بيقولى اخرج بدل ما اطردك والله اعمله هاكر وابقى انا المدير واخليك عضو وابقى افكر اعملك مشرف هههههه بهزر

12-شخص تحتاج لقربه الآن منك ؟؟
المدير

13-متى تغضب ؟
لما اشوف حد بيستقوى نفسه على حد وبيستضعفه بقفله لو هموت فيها

14-باقة ورد لمن تهديها؟
اقسمها ماشى ( المدير ورده وخطيبته ورده وسمسمة ورده ولؤلؤة ورده وروميساء ورده والاستاذ عبدالله ورده ورحيق ورده ايه هو لسه فيه باقى
الباقى بقى لباقى الاعضاء بالتساوى كل واحد له ورده اصل اعمل كروت للدخول هههه)

15- باقة شوك لمن تهديها ؟
للسيد الرئيس الراحل حسنى مبارك ههههه

16- شخص لاترفض له طلبا ؟
المدير

17-ما هي أعظم صفة تفضلها ؟
هو اللى هنقوله هنعيده خفه الدم

18-وما هي اكره صفة تنبذها ؟
بردو د مفيش فايده بقى اخرج بره المنتدى

19-أعظم شيء فقدته ؟
ساعه كانت هديه من الجو بتاعى ضاعت منى ههههه

20-وأعظم جرح دفنته ؟
مفيش

21- اسوأ خبر سمعته ؟
حتى لو فيه عادى

22-ماذا يمثل لك الموت ؟
ولو كنت فى بروج مشيده الموت علينا حق

23-دعوه صادقه من اعماق قلبك لمن تهديها ؟
لسمسمة ولؤلؤة كفايه عصر بقى انا اتهريت

24-اوصف نفسك كما تراها ؟!
باشا محبوب من الجميع بحب الكل مش بزعل من حد مبدأى اعرف من كل بلد صاحب بحب الصداقه وبقدس الحب ههه

25-و اخيراً صف نفسك بكلمات بسيطة كما يراك الناس ؟؟؟؟
الواد احمد ده عسول هههههه

طب ياعم المعترض جاوب

هل تعرف للحب طريق؟

اذا كنت تحب نتشرف بمعرفه اسم حبيبتك ؟

واخد بالك من مذاكرتك ولا بتنطش ؟

رايك فى كل اعضاء المنتدى ؟

ماذا يمثل لك المنتدى فى حياتك ؟

مسروع على الجواز ليه ؟

نفسك تدخل كليه ايه ؟

انضربت قبل كده كام مره ؟

اقرب عضو فى المنتدى ليك ؟

وابعد عضو ليك ؟

ليه مش متحكم فى اعصابك ؟

اخيرا تتمنى تشوف مين العضو اللى بعدك فى الاستضافه ؟؟

هل تعرف للحب طريق؟
الحب معناه كبير نعرف معناه الاول وبعدين نعرف طريقه

اذا كنت تحب نتشرف بمعرفه اسم حبيبتك ؟
هههههه اللى عايز يعرف يراسلنى على الخاص

واخد بالك من مذاكرتك ولا بتنطش ؟
كله تمام اطمن ياباشا

رايك فى كل اعضاء المنتدى ؟
احلى منتدى فى الدنيا

ماذا يمثل لك المنتدى فى حياتك ؟
رقم اتنين بعد لعب الكوره

مسروع على الجواز ليه ؟
انا عايز اتجوز صغير علشان الحق اربى ولادى قبل الدنيا ما تخبط فيهم ههههه بفكر صح

نفسك تدخل كليه ايه ؟
كليه الحب قسم الرومانسيه فرع كفرالشيخ

انضربت قبل كده كام مره ؟
كتيييييييييييييييير بس ولا بنحس

اقرب عضو فى المنتدى ليك ؟
المدير وسمسمة ولؤلؤة ورحيق والاستاذ عبدالله وروميساء

وابعد عضو ليك ؟
مفيش كلهم حبايبى

ليه مش متحكم فى اعصابك ؟
اتعيب الخالق ام تعيب المخلوق سيدى الفاضل

اخيرا تتمنى تشوف مين العضو اللى بعدك فى الاستضافه ؟؟
روميساء

من طرف **abdullah99** الجمعة أبريل 08, 2011 10:10 pm

احمد باشا
متى آخر مرة كنت في موقف محرج في المدرسة؟

موقف تتمنى انك تكون مكان صاحبه؟

موقف لا تتمنى ان تكون صاحبه؟

امنيتك الوظيفية في المستقبل؟

هل ترغب في السفر للخارج؟

دولة تتمنى زيارتها؟

منصب تتمنى الحصول عليه؟

من أفضل عضو في المنتدى (غير اخوك)؟

شخص غير مجرى حياتك؟

اكثر محافظة زرتها في مصر؟

شكرا

اجابات حلوة

متى آخر مرة كنت في موقف محرج في المدرسة؟
من فتره مدرس حرجنى اتصل ببابا وقاله انى زوغلت من الدرس والمدرسه هههه كان فيه رانديفو

موقف تتمنى انك تكون مكان صاحبه؟
اه مكان حسنى مبارك ابقى الزعيم وشوفوا هعمل ايه
انتخبونى وابقوا حاسبونى

موقف لا تتمنى ان تكون صاحبه؟
اى موقف محرج

امنيتك الوظيفية في المستقبل؟
يا استاذ عبدالله واحد مصاحب على علكوه واشرف كخه عايزه يشتغل ايه ... مش فاضى

هل ترغب في السفر للخارج؟
اعمل عمره ولا حج نكفر عن اللى فات داحنا ذنوبنا كتير

دولة تتمنى زيارتها؟
السعوديه علشان حج او عمره

منصب تتمنى الحصول عليه؟
رئيس جمهوريه مصر العربيه
مشرف عام منتديات كفرالشيخ

من أفضل عضو في المنتدى (غير اخوك)؟
هههههههههههههههههههههههههههههههههههههههههههههههههههههههههههه عندك حق بلاش مجاملات بقى زهقنا
كلهم والله بحبهم جدا سمسمة ورحيق وانت ولؤلؤة وروميساء ولطيفه هي راحت فين طفشوتها انا عارف
ما انتوا تطفشوا بلد ههههه

شخص غير مجرى حياتك؟
غير اخوك بردو ؟؟؟؟ ههههههههه

اكثر محافظة زرتها في مصر؟
كفرالشيخ سنين ياباشا

شكرا لمرور روميساء

سلاموزين

ايه مفيش اسئله .. ولا فيه عضو تانى نعصر فيه

ماشى ياعمنا

المنتدى عايز تجديد انا هفكرلكم فى فكره تنشطكم شويه

ما هو سبب دخولك المنتدى باستمرار ؟

اختار عضو واحد معجب بمواضيعه ؟

اختار عضو واحد مش بتبص لمواضيعه ؟

اختار عضو واحد نفسك تشوفه حقيقى ؟

اختار عضو واحد شايف انه يستحق الاشراف ؟

لو كنت مدير للمنتدى ماذا كنت ستفعل ؟

لو تم ابلاغك انه سيتم غلق المنتدى ماذا ستكون رده فعلك ؟

ماذا فعلت للمنتدى ؟ وماذا تنوى ان تفعل للمنتدى ؟

نصيحه توجهها لعضو معين ؟

عضو تأخذ منه النصائح ؟

اختار عضو هيتم استضافته بعدك ؟

تحيه طيبه من القلب

ما هو سبب دخولك المنتدى باستمرار ؟

حب المنتدى وكل الاعضاء اللى فيه

اختار عضو واحد معجب بمواضيعه ؟

لؤلؤة وسمسمة ورحيق وخطيبه المدير

اختار عضو واحد مش بتبص لمواضيعه ؟

كلمنى شكرا انت عايز توقع بينى وبين الاعضاء كلهم زى العسل

اختار عضو واحد نفسك تشوفه حقيقى ؟

اااااااااااه احنا كده دخلنا مرحله الخطر لؤلؤة ورحيق وسمسمة والاستاذ عبدالله كل الاعضاء ياعم وخلاص

اختار عضو واحد شايف انه يستحق الاشراف ؟

احمد عبدالباسط والاستاذ عبدالله اختار انت بقى

لو كنت مدير للمنتدى ماذا كنت ستفعل ؟

اوووووووووووو كنت هسوى الهوايل جوايز ومسابقات وحاجات حلوه كتيييييييير

لو تم ابلاغك انه سيتم غلق المنتدى ماذا ستكون رده فعلك ؟

هروح فيها

ماذا فعلت للمنتدى ؟ وماذا تنوى ان تفعل للمنتدى ؟

عملت ايه داخل على 500 مشاركه وعملت مسابقه حلوه واللى ناوى اعمله الوصول للالفيه الاولى ومسابقه على الابواب

نصيحه توجهها لعضو معين ؟

لخطيبه المدير العام ونائبه المدير وصوا المدير عليا شويه

عضو تأخذ منه النصائح ؟

انت

اختار عضو هيتم استضافته بعدك ؟

بما انى سمعت طراطيش كلام ان روميساء انطردت يبقى

نختار المدير العام ولن اتراجع عن كلامى انت اللى هتكون الجاى

تحيه طيبه من القلب

تحيه كلها عطر ياباشا

على فكره طنط تحيه اتجوزت اول امبارح هههه

ومعانا المدير العام ياجماعه اتفضلوا بالاسئله

واتمنى محدش يرحمه فى الاسئله

وانا هبدأ وجايلك بالاسئله فى الرد الجاى

صف كل عضو من الاتى فى كلمتين

سمسمة

خطيبه المدير العام

لؤلؤة المنتدى

الاستاذ عبدالله

رحيق الايمان

الاستاذه امانى

لطيفه

الاستاذه عين الحياه

روميساء

الاستاذ احمد حسن

ريحانه الجنه العضوه الجديده

___________________________

لماذا عملت المنتدى ؟

وما هو هدفك من عمل المنتدى ؟

هل ترى المنتدى ناجح؟

اقرب صاحب الى قلبك ؟

شخص داخل المنتدى تثق به جدا غير خطيبتك ؟

كم مره طرق الحب باب اوضتك هههههه؟

لو لم تكن مدير المنتدى من وجهه نظرك من ترشحه ليكون المدير وتقبل به مديرا عليك ؟

ماذا تفعل لو تم سرقه المنتدى منك ؟

والبقيه تأتى جاوب ياجميل ....

صف كل عضو من الاتى فى كلمتين

سمسمة

اختى وثقتى فيها كبيره

خطيبه المدير العام

شريكه حياتى

لؤلؤة المنتدى

متميزه وتستحق تكون من فريق الاداره

الاستاذ عبدالله

اخ اكبر وبحترمه

رحيق الايمان

محترمه جدا وملتزمه

الاستاذه امانى

افتخر بانى اعتبرها اختى

لطيفه

ترجع بالسلامه

الاستاذه عين الحياه

ماضى ونسيته

روميساء

لا اتمنى اشوف اسمها مره اخرى فى اى رد

الاستاذ احمد حسن

اخ غالى وبثق فيه

ريحانه الجنه العضوه الجديده

مواضيعها جميله وبدايه قويه ولكن مفيش تفاعل من الاعضاء معاها

___________________________

لماذا عملت المنتدى ؟

لخلق صداقات جديده ونعمل منه صدقه جاريه تنفع بعد مماتنا

وما هو هدفك من عمل المنتدى ؟

اتجمع فيه مع اصحابى ونفيد بعض

هل ترى المنتدى ناجح؟

الى حد ما يكفى الاعضاء الكويسين اللى فيه

اقرب صاحب الى قلبك ؟

اسمه مصطفى صديق الطفوله تعرفه انت

شخص داخل المنتدى تثق به جدا غير خطيبتك ؟

سمسمة نائبه المدير واللى هتتولى زمام القياده فى غيابى وبعد منى

كم مره طرق الحب باب اوضتك هههههه؟

مره واحده خطيبتى ،، انما اللى قبل كده كانت مره ومكنش حب كان لعب عيال

لو لم تكن مدير المنتدى من وجهه نظرك من ترشحه ليكون المدير وتقبل به مديرا عليك ؟

سمسمة او عبدالله اقبل بهم مديرين عليا

ماذا تفعل لو تم سرقه المنتدى منك ؟

متخافش حتى لو اتسرق ممكن ارجعه تانى لان ملك واحد بس صاحب الايميل يقدر يرجعه لو اتسرق

والبقيه تأتى جاوب ياجميل ....