شوفوا تفكير الشباب اتجاه حبيباتهم وبعض النصائح للبنات.........

1-الشاب بيبص على البنت الحلوة (لان الله جميل يحب
الجمال) بس مش شرط يحب وحدة قمر 14 المهم تكون حسنة الطلعة زي ما بيقولو و
روحها حلوة و جذابة .


2- الشاب ميحبش البنت اللي تعاكسه وتبقى مرميه عليه علشان ده دوره انه يغازلها

3- ممكن الشاب يعجب بيكي للحظة و ينساكي في لحظه وينسى انه شافك اصلا.


4- لما الشاب يقولك انا مش قادر افهمك يقصد ان تفكيركم مختلف


5- "بتعملي إيه ؟" أو "كلتي ولا لسة ؟" دي أول أسئلة يسألها الشب لما يكلمك ما يقعد ساكت أو يقعد ييتهته وميلاقيش كلام يقوله .


6- ممكن الشاب تكون عينه زايغه وبيحب يعرف بنات كتير بس قبل ما ينام بيفكر
في واحده بس حبيبته وبحب يبقى صوتها اخر صوت سمعه قبل ماينام.


7- لما الشاب يحبك مبيشوفش فيكي عيوب حتى لو فيكي عيوب الدنيا كلها

8- ممكن الشاب يعمل اي حاجه في الدنيا علشان يلفت انتباهك

9- الشاب بيتضايق جدا لما بتتكلمي عن اي شاب تاني خصوصا لو كان الشاب اللي بتتكلمي عنه ده حبيبك الاول

10- لو الشاب عرض عليكي انه يقابل اهلك ماترفضيش واقفي جنبه وساعديه

11- الشاب بيبقى نفسه يتكلم عن نفسه ويقول كل حاجه بس ساعات مبيعرفش يتكلم ولما بيتكلم عن نفسه غالبا بيبقى كلامه صح


12- الشاب ممكن يضعف ويعيط لانه بني ادم .


13-لما تبقى في بدايه الحب متستعجليش انك تضايقيه علشان تتخانقوا هتتخانقوا فعلا بس خناق عن خناق يفرق


14- الشاب عايز كل حاجه تتحققله بسرعه مش بيعرف يحلم زيك


15- الشاب بيجري ورا البنت اللي نفضتله علشان يوقعها لانه مش متعود على الخساره.


16-لو وصلتي لقلب شاب يبقى دخلتي في مكان صعب تخرجي منه.


17- اوعي تبعتي لشاب رساله تخليه متعلق زي "عارف...." او "عايزه اقولك حاجه" لان دماغه هتستنتج حاجات تانيه غير اللي في دماغك .

18- الشاب بيتجنن لما بيلمس ايدك .


19- الشاب لما يكون بيلعب على بنت لسانه ده بينقط كلام زي العسل يدوخ بيه اجدع بنت بس قدام اللي بيحبها هيتهته ومش هينطق ولا كلمه


20-حاولي تقولي للشاب انتي عايزه ايه من اولها بدل ما تقع الفاس في الراس ويقول يا ريت اللي جرى ماكان.


21- لما تقولي لشاب " لا " بيعتبرك بتقوليله حاول في وقت تاني.

22- الشاب بيحب مامته جدااااااااا اوعي تتكلمي عليها وحش

23- الشاب ممكن يضحى بالفلوس اللي هياكل بيها علشان يجيبلك بوكيه ورد ويرضيكي .

24- ممكن الشاب يفكر في بنت معجبه بيه بس ده مش معناه انه هو كمان معجب بيها او بيحبها

25- صعب تفهمي الشاب الا لو سمعتيه كويس ياعني اديله فرصه يتكلم

26-الشاب لو قالك بحبك مره في السنه صدقيه يبقى بيحبك فعلا بس ممكن يسمعك كلام حلو كتير

27-خلي بالك الشاب احسن واحد ينشر اشاعات

28- انتي نقطه ضعف الشاب حاولي تستغلي نقطه الضعف دي في حاجات نفيده وتفيدك مش تضركوا


29- لازم تختبري الشاب قبل ماتحبيه بس متسيبيهوش كتير خارج محل ثقتك .


30- مافيش شاب مش بيعرف يعاكس كلهم بيعرفوا يعاكسوا ورؤساء في قسم المعاكسه بس بتختلف من شاب لاخر


31- الشاب بيحب البنت المحترمة حتى لو مكانتش أمورة للدرجة .


32- انتيمتك اللي الشاب بيلجألها علشان تصالحكوا او لو محضرلك مفاجأه ممكن هم الاتنين يحبوا بعض وانتي تبقي ولا حاجه.


33- الشاب لما بيحكيلك همه بيبقى مش عايز منك غير انك تسمعيه باهتمام والافضل لو عايزه تنصحيه ميبقاش قي نفس الوقت

34- حركه لا اراديه بتحصل من الشاب لما بيكون مع حبيبته انه بيحاول ينرفزها باي طريه ويعلق على اي كلمه تقولها


35- لو الشاب حبك وانتي بتحبي حد تاني هيعمل المستحيل علشان يبعدكوا عن بعض

36- الشاب بيحب البنت اللي عندها عقل مش اللي بتتعايق بلبسها

37- الشاب بيحاول يجيب الهديه اللي ممكن تعجبك وانتي دورك حتى لو مش عاجباكي تبيني انها عاجباكي جدا واحسن هديه جاتلك في حياتك

38- الشاب في طبيعته ميتأمنش على اي سر

39- الشاب دماغه مبتهداش على طول بتفكر

40- الشاب خياله واسع جدا

41-الشاب ميهمهوش طولك بس يهمه وزنك

42- الشاب لما بيحب بيبقى متملك جدا


43- لما تطنشي واحد بيعاكسك هيتمسك بيكي اكتر.

44- لازم تحسسي الشاب انه ممكن يتفض علشا يكبر ويبطل غرور

45- لما بتحصل اي ظروف للشاب بيبقى محتاجك اوي اوي تسيبيه في الوقت ده وخليكي جنبه.

46- الشاب ديما بيبقى عايز يتغير للاحسن بس محتاج اللي يشجعه حاولي تشجعيه وتقفي جنبه انه يتغير.

47- الشاب قدام الناس كلها يبان انه قوي جدا بس معاكي انتي ضعيف جدا مش لانه بيخاف منك لا لانه بيحبك

48- لو الشاب في موقف المفروض يبقى فيه متنرفز وهو مش مبين نرفزته شوفي لو عرقان هتعرفي قد ايه هو متنرفز.

49- لما شاب يقولك انا مجنون بيكي صدقيه لانه غالبا مش هيكدب

50- لما شاب يقولك سيبيني في حالي بيبقى قاصده اسمعيني علشان خاطر ياعني
زني عليه علشان مش هيقولك بصريح العباره تعالي اسمعيني كبريائه هيمنعه

51- الشاب ملهوش قرار نهائي ياعني ممكن يغير قراره في اي لحظه.

52- لما شاب يحبك بيطلع كل حاجه حلوه فيه ليكي انتي وبس

53- لما الشاب يكلمك في موضوع مهم بالنسباله او حتى ليكي اهتمي جدا بالموضوع ولو طلب رأيك متحاوليش تهزري قوليله رأيك بصراحه .

54- لو الشاب فضل ساكت مش بيتكلم حاولي انتي تتكلمي وتفرفشي الجو..

55- الشاب بيحب في البنت انوثتها وعدم ضعفها ياعني حاولي تظهري قويه قدامه .

56- الشاب ممكن يضيع وقته في ماتش كوره او النت والكمبيوتر وانتي قاعده طول الوقت بتفكري فيه حاولي تشاركيه وتشجعي معاه