رقم الزائر
.:: أنت الزائر رقم ::.بحـث
ساعه المنتدى
المواضيع الأخيرة
احصائيات
هذا المنتدى يتوفر على 1750 عُضو.آخر عُضو مُسجل هو Shimaa mohamed فمرحباً به.
أعضاؤنا قدموا 33041 مساهمة في هذا المنتدى في 8848 موضوع
أفضل 10 أعضاء في هذا المنتدى
المدير العام | ||||
ريهام | ||||
عين الحياه | ||||
لؤلؤة المنتدى | ||||
سحر الشرق | ||||
abdullah99 | ||||
امانى | ||||
رحيق الايمان | ||||
احمد عبدالباسط | ||||
joka.jaky |
دخول
مجموعة منتديات مصر الحره
مجموعه منتديات مصر الحره |
زيارة هذه المجموعة |
اشتراك في مجموعه منتديات مصر الحره |
تسجيل صفحاتك المفضلة في مواقع خارجية
قم بحفض و مشاطرة الرابط منتديات مصر على موقع حفض الصفحات
قم بحفض و مشاطرة الرابط منتديات مصر الحره على موقع حفض الصفحات
انا مش ورقة قصه جميله وحلقات كتير متجدده ان شاء الله بعد ردودكم
+2
احمد حسن
لؤلؤة المنتدى
6 مشترك
صفحة 1 من اصل 1
انا مش ورقة قصه جميله وحلقات كتير متجدده ان شاء الله بعد ردودكم
السلام عليكم ورحمه الله وبركاته
احنا هنعيش قصه مع ابطالها محمد وعبد الرحمن سنة اولي طب بالمناسبة هما كانوا اصحاب منذ الصغر
ممكن تكون القصة طويلة او قصيرة بس ان شاء الله هنستفيد منها
المهم ندخل في احداث قصتنا
الحلقة الاولي
يصحي محمد اول يوم ليه في الكليه ايه ده الساعه 10 طبعا محمد صاحي مفزوع اول محاضرة
راحت عليه ....
ينادي محمد علي والدته
ماما ماما انت مصحتنيش ليه ينفع كده من اول يوم مفيش التزام
والدته تدخل انا قعدت اصحي فيك من الساعة 7 وكالعادة صحيني بعد 5 دقايق لا لابعدربع ساعة لحد ماوصلنا الساعة 8 وانت نايم في سابع نومه وانا زهقت منك
ازاي ده انا محستش بأي حاجه خالص انا زعلان اوي
وهنا يدخل والد محمد زعلان اوي ياحبيبي لك حق تزعل والايبقي ماعندكش دم
محمد:مش كده برده يابابا قول لماما اصلها مش مقدرة.
الوالد: مش مقدره لا مالهاش حق تصدق بالله انت ماعندكش دم.
محمد: ليه كده بس انا مالي ماما هي اللي ماصحتنيش بذمه.
الوالد: ياسلام ياخوي انا مابكلمش علي كده انت زعلان اوي لما فاتتك اول محاضرة.
طب ماانت ضيعت صلاة الفجر انهارده مازعلتش اوي كده ليه ولا انت خلاص بعد امتحانات الثانويه العامه مش هشوفك تاني في الجامع .
محمد: في سره انا فاتتني محاضرة الكليه بس الحمد لله ربنا عوضني خيرا منها محاضرة ابويا
ده بدل مايقولولي تفطر ايه ياحبيبي نروح نحضره ماعلينا.
الوالد: انت سكت ليه نمت؟؟
محمد:لالا ابدا خلاص سماح المرة دي انا هجهز بقي قبل مايفوتني باقي المحاضرات.
وهنا يرن موبايل محمد الظاهر صاحبه عبد الرحمن بيطمن عليه
محمد:ايوه ياعبده ازيك عامل ايه؟؟
عبد الرحمن:الحمد لله رب العالمين انت فين؟؟
محمد :انا علي السرير اصلي راحت عليه نومه.
عبد الرحمن: ولا يهمك تتعوض المهم انا مستنيك ماتتاخرش يلا.
محمد : ماشي مسافه السكه ويجهز محمد وينزل عشان يقابل عبد الرحمن.
محمد: كل دي زحمه انا هركب ازاي وبعد عناء طويل محمد يركب الميكروباص وينطلق الي الكليه .
ويفاجا محمد بواحده تيجي تقعد جنبه...
وبعد فتره تساله هو حضرتك في كليه ايه
محمد: نعم طبعا هو سامع بس مستغرب السؤال
تعيد البنت السؤال مرة تانيه
محمد:ليه حضرتك فيه حاجه؟؟
البنت:لاابدا بس زي مانت عارف ان النهارده اول يوم في العام الدراسي وانا مااعرفشي حاجه في الجامعه فبسال حضرتك ممكن نكون في نفس الكليه فتعرفني عليها وكده يعني....
محمد: يفكر فترة طويله ياتري اقولها ايه دلوقتي اروح معاها كليتها واخدمها واعمل فيها معروف طب وعبد الرحمن اعمل فيه ايه .....
ولكن فجاه يفتكر محمد قصة سيدنا موسي عليه السلام مع المرأتين وكيف كان حياءوه وادبه معهم وكذلك حياء المرأتين
محمد : بصوت حازم هو حضرتك في كليه ايه
البنت :في تجاره
محمد :خير انا مش في تجاره ومعرفش حاجه عنها وكأنه بيقول لها اسكتي واياكي تتكلمي تاني...
وبعد عناء ينزل محمد من الميكروباص واخيرا هيقابل عبد الرحمن
ياتري ايه اللي هيحصل بينهم؟
هذا ماسنعرفه في الحلقه القادمه ان شاء الله
لؤلؤة المنتدى- المشرفه العامة
- علم بلدك :
عدد المساهمات : 3216
نقاط : 9080
تاريخ الميلاد : 28/04/1993
تاريخ التسجيل : 15/12/2010
العمر : 31
الموقع : منتديات مصر الحره
العمل/الترفيه : كليه تجاره
الوظيفة :
المزاج : تمام والحمد لله
رد: انا مش ورقة قصه جميله وحلقات كتير متجدده ان شاء الله بعد ردودكم
مستنين بقية الحلقات يا استاذه لؤلؤه
شكلها قصه حلوه
احمد حسن- عضو برونزى
- علم بلدك :
عدد المساهمات : 219
نقاط : 5247
تاريخ الميلاد : 20/06/1976
تاريخ التسجيل : 28/10/2010
العمر : 47
الموقع : القاهره
العمل/الترفيه : مصمم افلام تطريز
المزاج : الحمد لله ومبسوط وانا معاكم
رد: انا مش ورقة قصه جميله وحلقات كتير متجدده ان شاء الله بعد ردودكم
جميله الروايه يالؤلؤة فى انتظار باقى الحلقات
تقبلى مرورى وتحياتى
رد: انا مش ورقة قصه جميله وحلقات كتير متجدده ان شاء الله بعد ردودكم
ان شاء الله قريب بس نخلى فيه شويه تشويق
علشان الكل يبقى منتظرها كده
وهتعجبكم ان شاء الله
شكرا يا مانيجر على مرورك
ودى واحترامى
لؤلؤة المنتدى- المشرفه العامة
- علم بلدك :
عدد المساهمات : 3216
نقاط : 9080
تاريخ الميلاد : 28/04/1993
تاريخ التسجيل : 15/12/2010
العمر : 31
الموقع : منتديات مصر الحره
العمل/الترفيه : كليه تجاره
الوظيفة :
المزاج : تمام والحمد لله
رد: انا مش ورقة قصه جميله وحلقات كتير متجدده ان شاء الله بعد ردودكم
رائع يا لؤلؤه
عايزة الباقى وحدة وحدة ادخل كل يوم باذن الله
القى الحلقه الجديدة
دمتى بكل الحب
عايزة الباقى وحدة وحدة ادخل كل يوم باذن الله
القى الحلقه الجديدة
دمتى بكل الحب
لطيفه- وسام التألق
- علم بلدك :
عدد المساهمات : 721
نقاط : 6106
تاريخ الميلاد : 18/01/1985
تاريخ التسجيل : 07/10/2010
العمر : 39
العمل/الترفيه : مدرسة
المزاج : ارضاء الله
سحر الشرق- وسام الآلفية الثانية
- علم بلدك :
عدد المساهمات : 2291
نقاط : 7556
تاريخ التسجيل : 26/11/2010
الوظيفة :
المزاج : بفضل الله بخير
سحر الشرق- وسام الآلفية الثانية
- علم بلدك :
عدد المساهمات : 2291
نقاط : 7556
تاريخ التسجيل : 26/11/2010
الوظيفة :
المزاج : بفضل الله بخير
رد: انا مش ورقة قصه جميله وحلقات كتير متجدده ان شاء الله بعد ردودكم
حالا الحلقه التانيه جايه
ودى واحترامى
لؤلؤة المنتدى- المشرفه العامة
- علم بلدك :
عدد المساهمات : 3216
نقاط : 9080
تاريخ الميلاد : 28/04/1993
تاريخ التسجيل : 15/12/2010
العمر : 31
الموقع : منتديات مصر الحره
العمل/الترفيه : كليه تجاره
الوظيفة :
المزاج : تمام والحمد لله
رد: انا مش ورقة قصه جميله وحلقات كتير متجدده ان شاء الله بعد ردودكم
الحلقة الثانية
محمد يدخل الكلية يدور علي عبد الرحمن وبعد لف كتير في الكلية ايه ده ده شبه عبد الرحمن خالص
لا لا بس اكيد مش هو ايه المقشة اللي في وشه دي هههههههههههههه وللا البنطلون شكل الترزي ضحك عليه وخد باقي القماش وقعد يفحصه من فوق لتحت لا دا اكيد مش عبد الرحمن ولو عبد الرحمن امتى وازاي وليه حصله كده ويقطع تفكير محمد صوت عبد الرحمن...
عبد الرحمن:ايه يامحمد هو انا كنت بايت معاك امبارح وللا ايه ده بدل ماتخدني بالحضن قاعد تبصلي من فوق لتحت.
محمد :لا ابدا ياعبده وياخده بالحضن وحشتني اوي انا معرفتكش يابني انت ايه اللي حصلك 3 شهور اجازة يحصلك كل ده ايه اللي حصلك؟!!!!
عبد الرحمن :بعدين احكيلك المهم انت ازاي تفوت اول محاضره من اولها كده طب حتي خليك ملتزم اول يوم.
محمد:صحيح عملتوا ايه من غيري.
عبد الرحمن:طبعا الدكتور كان زعلان جدا انك محضرتش وكان عايز يلغي المحاضرة لولا ان العدد كان كبير ..
محمد:انت بتتريق؟؟
عبدالرحمن:مانت اللي سؤالك غريب هنعمل ايه يعني من غيرك لاانت الكمبيوتر ولا البروجيكتور وللا حتي الميكروفون عشان المحاضرة تتعطل من غيرك..
محمد:ماشي ياعبده بكره تعرف اهميتي.
عبدالرحمن:المهم انت ازاي راحت عليك نومه والفرق بين جلسة الشروق والمحاضرة قليل يعني ماتلحقش تنام فيه؟؟!!
محمد:مش اما اكون الاول صليت الفجر ابقي اقعد جلسة الشروق
عبدالرحمن:يعني انت ضيعت صلاة الفجر انهارده ازاي؟!!!
محمد:يلا ابدا المحاضرة التانيه كلي اذان صاغيه امال يابني لومكناش دفنينه سوا ..
عبد الرحمن:دفنا مين ؟؟
محمد:ايه يابني احنا مش كنا بنصلي ايام الامتحانات وبعد كده بئي انت عارف انا بحب النوم اد ايه ...
اوعي تقولي ان انت لسه بتصلي الفجر!!!!!
عبدالرحمن:انا بفضل الله بصلي كل الصلوات في المسجد.
محمد:بجد عليه انا برده الكلام ده؟؟!!
عبدالرحمن:المهم دلوقتي يامحمد انا هرن عليك كل صلاة عشان اذكرك بيها وبالذات صلاة الفجر بس اياك تفتح عليه انا بقولك اهو والا هخليك تشحنلي...
محمد:براحه بس عليه احنا اول يوم في الدراسه..
عبدالرحمن:ماهو عشان كده لازم نفتح صفحه جديده مع ربنا احنا فرطنا كتير اوي يامحمد..
محمد:في سره فرطنا في ايه انا مش فاهم اي حاجه؟!!!
عبدالرحمن:هنبتدي من انهارده ..
اول حاجه لازم تعرفها اهميه صلاة الفجر
انا لواديتك صندوق فيه طوب وصندوق فيه دهب وقلتلك وصلهم مكان معين ياتري اهتمامك بالاتنين هيكون نفس الاهتمام؟؟
محمد:لا طبعا دا حتي لو صندوق الطوب ضاع بسيطه هشتري صندوق والطوب اهو كتيرفي الشارع لكن صندوق الدهب لو ضاع هعوضه ازاي؟؟
عبدالرحمن :الحمد لله اتفقنا بص بقي صلاة الفجر اغلي من كنوز الدنيا يعني لوضاعت مش هتعرف تعوضها...
1-قال رسول الله صلي الله عليه وسلم
( من صلى الصبح في جماعة فكأنما صلى الليل كله ) رواه مسلم .
2- قال رسول الله صلى الله عليه وسلم
( من صلى الفجر فهو في ذمة الله (حفظه) فلا يطلبنكم الله بشئ من ذمته ) حديث صحيح
رواه الطبراني ومسلم بلفظ مشابه .
3-قال رسول الله صلي الله عليه وسلم
( بشر المشائين في الظلم إلى المساجد بالنورالتام يوم القيامه ) صحيح .
كده اتفقنا ان صلاة الفجر مهمة ماشي ..
محمد:ماشي ياسيدي كمل باقي المحاضره اما اشوف اخرتها معاك
عبد الرحمن:بص بئي انت قبل ماتنام لازم تكون متوضي وتقول اذكار النوم بكره ان شاء الله هجيبلك كتاب حصن المسلم
وتكون مخلص انك عايز تقوم بجد تصلي ولازم تكون عارف ان صلاه الفجر دي ترمومتر علي صدقك شوف بئي انت صادق ولا .....
خلاص اتفقنا يامحمد هرن عليك وهستناك تكنسل
محمد:خلاص خلصت المحاضرة يلا بئي قولي ايه اللي غيرك كده
عبدالرحمن :هوا نا ههرب منك ماحنا مع بعض اهو يابني ان شاء الله هحكيلك تعالي بس نروح الجامع لان الظهر قرب يأذن وبعد الصلاه ان شاء الله هحكيلك
وفي الجامع عبد الرحمن يقوم يصلي السنة
عبد الرحمن:انت مش هتصلي السنة
محمد:دا كويس اني بصلي الفرض يابني
عبدالرحمن :ماشي ياسيدي بس الرسول صلي الله عليه وسلم بيقول من صلي اثنا عشر ركعه في اليوم والليله بني الله له بيتا في الجنه
محمد :ماشي ماشي صلي انت بس وخليني اقعدلي شويه بئي عشان تحكيلي بين الاذان والاقامه
محمد :يراقب عبد الرحمن وهو بيصلي ايه دا الواد اتغير 180 درجه هو ايه اللي حصله ماكنش بيتكلم كده ابدا الواد اتجنن وللا ايه انا خايف عليه لاحول ولاقوه الا بالله ايه ده وكمان بئي بيصلي كويس ماشاء الله ايه الخشوع والسكينه دي هو مستني نتيجه امتحان تاني وللا ايه
ياتري ايه اللي حصله 3شهور يتقلب القلبه دي؟؟!!
لؤلؤة المنتدى- المشرفه العامة
- علم بلدك :
عدد المساهمات : 3216
نقاط : 9080
تاريخ الميلاد : 28/04/1993
تاريخ التسجيل : 15/12/2010
العمر : 31
الموقع : منتديات مصر الحره
العمل/الترفيه : كليه تجاره
الوظيفة :
المزاج : تمام والحمد لله
رد: انا مش ورقة قصه جميله وحلقات كتير متجدده ان شاء الله بعد ردودكم
هنعرف اللى حصله الحلقه الجايه
ودى واحترامى
لؤلؤة المنتدى- المشرفه العامة
- علم بلدك :
عدد المساهمات : 3216
نقاط : 9080
تاريخ الميلاد : 28/04/1993
تاريخ التسجيل : 15/12/2010
العمر : 31
الموقع : منتديات مصر الحره
العمل/الترفيه : كليه تجاره
الوظيفة :
المزاج : تمام والحمد لله
رد: انا مش ورقة قصه جميله وحلقات كتير متجدده ان شاء الله بعد ردودكم
رائع يا لؤلؤه شكلها كدة قصه جمدة
مستنيه باقى الحلقات شكلها كدة
ها تحلو بس كل يوم حلقه مش اكتر
عشان اقدر اتابعك ظروف الشغل نعمل ايه
مستنيه باقى الحلقات شكلها كدة
ها تحلو بس كل يوم حلقه مش اكتر
عشان اقدر اتابعك ظروف الشغل نعمل ايه
لطيفه- وسام التألق
- علم بلدك :
عدد المساهمات : 721
نقاط : 6106
تاريخ الميلاد : 18/01/1985
تاريخ التسجيل : 07/10/2010
العمر : 39
العمل/الترفيه : مدرسة
المزاج : ارضاء الله
رد: انا مش ورقة قصه جميله وحلقات كتير متجدده ان شاء الله بعد ردودكم
الله والله شوقتينا لباقى الحلقات
يلا يالؤلؤة نزلى باقى الحلقات
متتأخريش علينا وكفايه انى انا ولطيفه
متابعين الروايه من البدايه
وهنستمر الى النهايه
تحياتى
رد: انا مش ورقة قصه جميله وحلقات كتير متجدده ان شاء الله بعد ردودكم
شكرا لمروركم ومتابعتكم وانتظروا الحلقه الثالثه
الليله ان شاء الله
ودى واحترامى
لؤلؤة المنتدى- المشرفه العامة
- علم بلدك :
عدد المساهمات : 3216
نقاط : 9080
تاريخ الميلاد : 28/04/1993
تاريخ التسجيل : 15/12/2010
العمر : 31
الموقع : منتديات مصر الحره
العمل/الترفيه : كليه تجاره
الوظيفة :
المزاج : تمام والحمد لله
رد: انا مش ورقة قصه جميله وحلقات كتير متجدده ان شاء الله بعد ردودكم
فين يا لؤلؤه الحلقه
كدة انا متابعه جيدة للحلقات
وبعل قوى لما النور او الارسال بيقطع
فين الحلقه الثالثه الى وعدتنى بيها امبارح
انا قولت ها ادخل النهاردة القى حلقتين
ولا انتى بتشوقينا وبتشوفينا ها نعمل ايه
مستنيه الحلقه الثالثه
كدة انا متابعه جيدة للحلقات
وبعل قوى لما النور او الارسال بيقطع
فين الحلقه الثالثه الى وعدتنى بيها امبارح
انا قولت ها ادخل النهاردة القى حلقتين
ولا انتى بتشوقينا وبتشوفينا ها نعمل ايه
مستنيه الحلقه الثالثه
لطيفه- وسام التألق
- علم بلدك :
عدد المساهمات : 721
نقاط : 6106
تاريخ الميلاد : 18/01/1985
تاريخ التسجيل : 07/10/2010
العمر : 39
العمل/الترفيه : مدرسة
المزاج : ارضاء الله
رد: انا مش ورقة قصه جميله وحلقات كتير متجدده ان شاء الله بعد ردودكم
الحلقة الثالثة
ينتهي محمد وعبد الرحمن من صلاة الضهر
محمد:يلا بقى احكيلي..
عبدالرحمن:ياعم اصبر حتي استني لما نختم الصلاة ونخرج من الجامع هحكيلك واحنا مروحين.
محمد:ماشي انا صبرت عليك كتير
عبدالرحمن:معلش استحملني
ويخرج محمد وعبدالرحمن من الجامع ويعيشوا ازمه المواصلات
يركب محمد وعبد الرحمن اخيرا
محمد :يهزر مع عبد الرحمن مابلاش بخل يااخي وهات عربيتك معاك وارحمنا من الزحمه دي
عبد الرحمن :ماشي ماشي
محمد:يلا كلي اذان صاغية
عبدالرحمن:بص ياسيدي انت عارف طبعا محمود ابن خالتي انا وهو ومجموعه من اصحابنا نوينا بعد الثانويه العامه وقرفها اننا نسافر بعيد ونصيف بئي ونعيش حياتنا
وبالفعل سافرنا وقضينا ايام حلوه فسح بئي وسهر واغاني وافلام وملاهي كانت ايام حلوه
محمد:ايه ده وانا ليه ماقولتليش
عبد الرحمن:ماتقطعنيش يامحمد
المهم واحنا راجعين كان السواق مشغل اغنيه انا واصحابي كنا بنحبها اوي وكنا قاعدين نصقف
لقينا واحد مانعرفوش بيدي للسواق شريط ويقوله لوسمحت من فضلك خد شغل ده احسن
طبعا كلنا اعترضنا واولنا السواق المهم الشخص ده قعد يتكلم واحنا ودن من طين والتانيه من عجين كلامه طبعا زي قلته انا تقريبا ماسمعتش كلمه منه
وفجاه الاتوبيس كان هيعمل حادثه بس ربنا ستر
وكأن دي كانت رساله من ربنا لينا بس احنا اللي مابنفهمش
محمد:يااااااسلام وده بئي اللي غيرك هو انت بقيت حساس اوي كده هههههههههههههههه
عبدالرحمن:شكلي مش هكملك الحكايه
محمد:صحيح انا نسيت أسالك ع البت سها اللي كانت معانا في درس الكيميا البت دي اللي انت كنت بتحبها صحيح هي دخلت معانا طب
عبدالرحمن:يارب صبرني اديك قعدت تقاطعني لحد مامحطتي جت انا هنزل واكملك بكره
محمد:بس استني طب تعالي اتغدى عندي وكملي القصه ماما عامله فراخ هديك فرخه بحالها بس تعالي
عبدالرحمن:جزاك الله خيرا المهم انا نسيت اقولك ابقى اظبط المنبه عشان صلاة الفجر وانا برده هرن عليك
محمد:طب يلا انزل قبل ما السواق يرميك من الشباك
ويودع عبد الرحمن صاحبه محمد
ومحمد:يفضل قاعد وينزل المحطه اللي بعده اما نشوف اخرتها مع الواد عبده دي ايه
ويدخل محمد البيت ماما انا جعان اوي يلا فين الفراخ
والد محمد:يابني اصبر شويه احكيلي عملت ايه انهارده في الكليه
محمد:دا انا عملت عمايل تخيل يابابا الواد عبد الرحمن بيصلي والله وقال ايه هيرن عليه كل صلاه عشان يذكرني بيها وانا قال ايه اكنسل عليه واقوم اصلي
والد محمد:وايه الغريب في كده عقبالك يابني ربنا يهديك
وبعد اما ينتهوا من الغدا
محمد:صحيح انا هدخل انام واسيب الموبايل واما الواد عبد الرحمن يرن العصر والمغرب والعشاء والفجر تكنسلوا عليه وتقوموا تصلوا
ها مين هياخد الموبايل وللا بابا ياخده عصر ومغرب وماما تاخده عشا وفجر
والد محمد:وسيادتك هتعمل ايه هتنام من دلوقتي لحد تاني يوم الكليه
محمد:الله اعلم انا تعبت اوي انهارده
ويدخل محمد ينام ويسيب الموبايل
ياتري عبد الرحمن هيعمل ايه بكره مع محمد ان شاء الله؟؟
لؤلؤة المنتدى- المشرفه العامة
- علم بلدك :
عدد المساهمات : 3216
نقاط : 9080
تاريخ الميلاد : 28/04/1993
تاريخ التسجيل : 15/12/2010
العمر : 31
الموقع : منتديات مصر الحره
العمل/الترفيه : كليه تجاره
الوظيفة :
المزاج : تمام والحمد لله
رد: انا مش ورقة قصه جميله وحلقات كتير متجدده ان شاء الله بعد ردودكم
اين الباقى انتى اجازة السبت يالؤلؤه
عايزة قصتين بقت مشوقه
عايزة قصتين بقت مشوقه
لطيفه- وسام التألق
- علم بلدك :
عدد المساهمات : 721
نقاط : 6106
تاريخ الميلاد : 18/01/1985
تاريخ التسجيل : 07/10/2010
العمر : 39
العمل/الترفيه : مدرسة
المزاج : ارضاء الله
رد: انا مش ورقة قصه جميله وحلقات كتير متجدده ان شاء الله بعد ردودكم
لطيفه كتب:اين الباقى انتى اجازة السبت يالؤلؤه
عايزة قصتين بقت مشوقه
حاضر ياحبيبتى انا بنزل كل يومين حلقه ولا حاجه
معلش اصبرى شويه كله بأوانه
لكى ودى واحترامى
لؤلؤة المنتدى- المشرفه العامة
- علم بلدك :
عدد المساهمات : 3216
نقاط : 9080
تاريخ الميلاد : 28/04/1993
تاريخ التسجيل : 15/12/2010
العمر : 31
الموقع : منتديات مصر الحره
العمل/الترفيه : كليه تجاره
الوظيفة :
المزاج : تمام والحمد لله
رد: انا مش ورقة قصه جميله وحلقات كتير متجدده ان شاء الله بعد ردودكم
والله لطيفه عندها حق يالؤلؤة الروايه جميله وممتعه
ومنتظرين باقى الحلقات بفارغ الصبر
تحياتى
رد: انا مش ورقة قصه جميله وحلقات كتير متجدده ان شاء الله بعد ردودكم
المدير العام كتب:
والله لطيفه عندها حق يالؤلؤة الروايه جميله وممتعه
ومنتظرين باقى الحلقات بفارغ الصبر
تحياتى
حاضر يامانيجر حالا يتم تنزيل
الحلقه الرابعه
ودى واحترامى
لؤلؤة المنتدى- المشرفه العامة
- علم بلدك :
عدد المساهمات : 3216
نقاط : 9080
تاريخ الميلاد : 28/04/1993
تاريخ التسجيل : 15/12/2010
العمر : 31
الموقع : منتديات مصر الحره
العمل/الترفيه : كليه تجاره
الوظيفة :
المزاج : تمام والحمد لله
رد: انا مش ورقة قصه جميله وحلقات كتير متجدده ان شاء الله بعد ردودكم
يلا نشوف عبدالرحمن هيعمل ايه مع محمد
مع الحلقه الرابعه
ودى واحترامى
لؤلؤة المنتدى- المشرفه العامة
- علم بلدك :
عدد المساهمات : 3216
نقاط : 9080
تاريخ الميلاد : 28/04/1993
تاريخ التسجيل : 15/12/2010
العمر : 31
الموقع : منتديات مصر الحره
العمل/الترفيه : كليه تجاره
الوظيفة :
المزاج : تمام والحمد لله
رد: انا مش ورقة قصه جميله وحلقات كتير متجدده ان شاء الله بعد ردودكم
الحلقه الرابعة
بالفعل عبد الرحمن يرن علي محمد في كل صلاه ومامته تكنسل
وتروح تصحي محمد وهو لا حياة لمن تنادي وبالقوه يصحي عشان يروح
الكليه
عبدالرحمن ومحمد يتقابلوا في المحاضرة ويقعدوا جنب
بعض
عبدالرلحمن:ماشاء الله عليك يامحمد كنسلت عليه حتي في صلاة
الفجر شكل الكلام بيجيب معاك نتيجه
محمد:اه امال ايه وفي سره ربنا يخليلي ماما
وبابا
وبعد
دقايق يدخل الدكتور وبعد مرور ربع ساعة من
المحاضرة
محمد:الحق ياعبده البت سها اهي هي جايه متاخر ليه ههههههه
مش تقولها تبئي تقعد جلسه الشروق عشان تيجي بدري
صحيح هو
انت قلبتها وللا ايه دي قرفتني في الاجازه اسئله عليك لدرجه اننا افتكرناك مت هو
انت صحيح كنت في السعوديه بتعمل ايه
عبدالرحمن :هو انت مش هتبطل كلام
محمد:لا انا عايز اعرف بقى ايه اللي حصل
بينكم
عبدالرحمن:طب ايه رايك تستأذن من الدكتور ونطلع احكيلك بره
وللا علي ايه هو هيطردنا دلوقتي
محمد:خلاص خلاص
وبعد شويه يتكلم
محمد تاني:هو احنا مش هنعمل صحوبيات
عبدالرحمن :لا ان شاء الله نعمل ربنا
ييسرالامور
محمد:طب الحمد لله
عبدالرحمن:لا مش اللي في دماغك
وبعد
انتهاء اليوم الدراسي
عبدالرحمن :يلا عشان نصلي الضهر ونروح واحكيلك في
الطريق
وفي طريقهم للبيت
عبدالرحمن:انا مش عايز سها تشوفنا ولو شافتنا نهرب منها بأي
طريقه
محمد:هو انت يابني عامل عامله وبعدين ماتشوفناش ازاي مش
هنحضر وللا هنلبس طقيه لخفه وللا نبقى نقعد تحت البنش في المحاضره
احسن
انت مالك بقيت غريب كده ليه
عبدالرحمن :اسمعني بس ربنا ان شاء الله هيصرف نظرها
عننا
محمد:طيب اما اشوف اخرتها
عبدالرحمن :بص ياسيدي
باختصارالحكايه
....
محمد:لا انا عايز تفصيل ممل
عبدالرحمن:ماشي ياسيدي
انا وسها
تقريبا اهلنا اتنازلوا عن وظيفتهم الاساسيه
محمد:اه انا كده فهمت الحكايه وعشان كده انت شاحت الهدوم
اللي انت لابسها ومش معاك فلوس حتي تحلق لاحول ولاقوة الابالله وطبعا مش معاك فلوس
عشان تخرج سها وتفسحها طب كنت اتصل بيه اسلفك
عبدالرحمن :تسلفني ايه انت
مابتفهمش
محمد:ليه الغلط ده بس
خلاص كنت
هخلي بابا يشوف لوالدك شغلانه جديده
عبدالرحمن:بص انت تروح تتغدى عشان شكلك جعان عشان كده مش
فاهم وبكره هفهمك
واحكيلك
علي كل حاجه
محمد:مااااااااشي
عبدالرحمن: السلام عليكم ورحمه الله
وبركاته
محمد:وعليكم السلام ورحمه الله وبركاته
وبعد اما عبد الرحمن يودع محمد
محمد:هو الواد ده بيتكلم كلام كبيرانا مش اده وللا انا فعلا
اللي جعان ومش فاهم حاجه؟؟!!!!
لؤلؤة المنتدى- المشرفه العامة
- علم بلدك :
عدد المساهمات : 3216
نقاط : 9080
تاريخ الميلاد : 28/04/1993
تاريخ التسجيل : 15/12/2010
العمر : 31
الموقع : منتديات مصر الحره
العمل/الترفيه : كليه تجاره
الوظيفة :
المزاج : تمام والحمد لله
رد: انا مش ورقة قصه جميله وحلقات كتير متجدده ان شاء الله بعد ردودكم
وبكره هنعرف محمد وعبدالرحمن عملوا ايه
ودى واحترامى
وتصبحوا على خير
ودى واحترامى
وتصبحوا على خير
لؤلؤة المنتدى- المشرفه العامة
- علم بلدك :
عدد المساهمات : 3216
نقاط : 9080
تاريخ الميلاد : 28/04/1993
تاريخ التسجيل : 15/12/2010
العمر : 31
الموقع : منتديات مصر الحره
العمل/الترفيه : كليه تجاره
الوظيفة :
المزاج : تمام والحمد لله
رد: انا مش ورقة قصه جميله وحلقات كتير متجدده ان شاء الله بعد ردودكم
ولا حد متابع ولا اى تفاعل
على العموم ننزل حلقه كمان يمكن تعجب
دقيقه واحده وتنزل الحلقه الخامسه
ودى واحترامى
لؤلؤة المنتدى- المشرفه العامة
- علم بلدك :
عدد المساهمات : 3216
نقاط : 9080
تاريخ الميلاد : 28/04/1993
تاريخ التسجيل : 15/12/2010
العمر : 31
الموقع : منتديات مصر الحره
العمل/الترفيه : كليه تجاره
الوظيفة :
المزاج : تمام والحمد لله
رد: انا مش ورقة قصه جميله وحلقات كتير متجدده ان شاء الله بعد ردودكم
الحلقة الخامسة
وبعد انتهاء اليوم الدراسي كالعاده
عبدالرحمن:محمد انت فهمت حاجه من اللي قلتها امبارح
محمد:بصراحه ومن غير ضرب لا
عبدالرحمن:طيب بص يامحمد انا وسها تقريبا عايشين نفس الظروف عايشين غربة في وسط اقرب الناس لينا
عايشين غربة يشكيها البيت بجدرانه فكيف بمن تحويه الجدران
اهلي انا وهي اتنازلوا عن وظيفتهم الاساسيه وهي التربيه والاحتواء
لا وياريت المأساه وقفت عند كده لا كمان كانوا موافقين علي علاقتنا انا وسها وكأنهم شالوا حمل تقيل من علي اكتافهم وظنوا انهم بكده استريحوا مننا
معرفه اهلنا بعلاقتنا وموافقتهم عليها كان معناها عندنا ان خلاص الامر المحرم بئي مباح لا دا ممكن كمان نقول عليه حلال مادام اهلنا عارفين ايه تاني هيهمنا
ربنا يغفرلنا ذلاتنا وتقصيرنا
المهم لما نتيجه الثانويه العامه ظهرت انا وسها تقريبا كان مجموعنا واحد وقلنا ان شاء الله ندخل طب سوا وهنقضي 6 سنين مع بعض ومفيش حاجه هتفرقنا وقعدنا نحلم كتير اوي
وفي نفس يوم النتيجه محمود ابن خالتي اتصل بيه وقالي انا عازمك انت وسها بمناسبه نجاحكم علي حفله المطرب(.........)الحفله دي هتبقي جميله اوي والمطرب هيكسر الدنيا هستناكوا تفوتوا عليه متتاخروش بئي
وبالفعل اتصلت بسها وحددت معها ميعاد وقابلنا محمود وروحنا الحفله سوا ووقت ماكنا في الحفله كنا فرحانين ومبسوطين اوي
لكن فجأه في نص الحفله محمود قالي
انا مش قادر اخد نفسي حاسس ان مفيش ذره هوا
انا قلقت عليه جدا وقررت انقله المستشفي وقلت لسها روحي انت عشان متتاخريش وانا هطمنك ان شاء الله
وفي طريقنا للمستشفي اتصلت بخالتي وقلتلها احنا في طريقنا دلوقتي للمستشفى لان محمود تعبان شويه
ولما وصلنا للمستشفي حاله محمود كانت بتسوء
وجه دكتور اول ماشاف محمود قاله قول لا اله الا الله
قول لا اله الا الله والدكتور يكررها كتير وفي كل مره الدكتور يقولها محمود يقوله انا فرطت كتير...... انا فرطت كتير اوي
والدكتور مازال يردد قول لااله الا الله وحمود مابيقولش الا انا فرطت كتير وانا مش مستوعب اللي بيحصل
قلت لمحمود انت فرطت في ايه فرطت في ايه يامحمود قولي
وقبل مايجاوبني لقيت الدكتور بيقول (انا لله وانا اليه راجعون)
قلت للدكتور يعني ايه يعني ايه رد عليه
الدكتور:انا لله وانا اليه راجعون
يعني محمود مات خلاص ......ازاي دا كان لسه معايا في الحفله ازاي مات ازاي دا لسه صغيرومكانش تعبان مات ازاي
دامكانش عارف انه هيموت................... وفرط كتير اوي في ايه ياريت قالي
لؤلؤة المنتدى- المشرفه العامة
- علم بلدك :
عدد المساهمات : 3216
نقاط : 9080
تاريخ الميلاد : 28/04/1993
تاريخ التسجيل : 15/12/2010
العمر : 31
الموقع : منتديات مصر الحره
العمل/الترفيه : كليه تجاره
الوظيفة :
المزاج : تمام والحمد لله
رد: انا مش ورقة قصه جميله وحلقات كتير متجدده ان شاء الله بعد ردودكم
وبكره هنعرف ايه اللى حصل
ودى واحترامى
لؤلؤة المنتدى- المشرفه العامة
- علم بلدك :
عدد المساهمات : 3216
نقاط : 9080
تاريخ الميلاد : 28/04/1993
تاريخ التسجيل : 15/12/2010
العمر : 31
الموقع : منتديات مصر الحره
العمل/الترفيه : كليه تجاره
الوظيفة :
المزاج : تمام والحمد لله
رد: انا مش ورقة قصه جميله وحلقات كتير متجدده ان شاء الله بعد ردودكم
بصراحه انا مهتمه قوى يا لؤلؤة ومشتاقه اعرف لباقى
بس معلشى بتابع على حسب ظروف الشغل غالبا
بكون باللي متابعه جيدة
تسلمى يارب
القصه تحمل اسما واجمل المعانى
بس معلشى بتابع على حسب ظروف الشغل غالبا
بكون باللي متابعه جيدة
تسلمى يارب
القصه تحمل اسما واجمل المعانى
لطيفه- وسام التألق
- علم بلدك :
عدد المساهمات : 721
نقاط : 6106
تاريخ الميلاد : 18/01/1985
تاريخ التسجيل : 07/10/2010
العمر : 39
العمل/الترفيه : مدرسة
المزاج : ارضاء الله
رد: انا مش ورقة قصه جميله وحلقات كتير متجدده ان شاء الله بعد ردودكم
الحلقة السادسة
محمد:بص ياعبد الرحمن من اولها كده احنا مش هنخرج من الكليه انهارده الا لما تحكيلي كل اللي حصلك
عبدالرحمن:ماشي ياعم محمد
انت عارف انا كل ماافتكر يوم وفاة محمود احس اوي بمعني الأية
(أومن كان ميتا فأحييناه وجعلنا له نورا يمشي به في النّاس كمن مثله في الظّلمات ليس بخارج منها كذلك زيّن للكافرين ما كانوا يعملون )122الأنعام
الحمد لله رب العالمين انا كنت ميت وربنا احياني فله الحمد سبحان من يحيي ويميت
انا بعد ماسمعت الدكتور وهو بيقول انا لله وانا اليه راجعون خرجت من المستشفى
من غير ماستنى خالتي ولا اي حد انا كنت شبه فاقد للوعي خرجت ومكنتش عارف
اروح فين ومعرفش مشيت اد ايه
وطول ماانا ماشي في الطريق شويه اضحك وشويه اعيط كنت بكلم نفسي ساعات
بصوت عالي وساعات بيني وبين نفسي
محمود مات لا انا مش مصدق انا اكيد بحلم
محمود مات ازاي ممكن كان تعبان وانا معرفش
محمود مات دا كان لسه قاعد معايا في الحفله كان لسه بيكلمني مات ازاي
محمود مات يعني مش هشوفه تاني
طب وفرط في ايه
فرط في ايه فرط في ايه كتير وخلاص مات ومش هيعرف يعوضه؟!!!!
مات لاااااا ازاي دا لسه صغير
يعني خلاص مش هيرجع بيته تاني ولا هيكون مع اهله
محمود هينام لوحده انهارده
مفيش حد هيبقى معاه
بس ازاي دا القبر ضلمه اوي
محدش هيرضى يكون معاه يونسه
لا محمود مامتش انا اكيد بحلم دا لسه كان بيعزمني علي الحفلة في ثواني كده مات
ممكن يكون الدكتور غلطان اه ممكن....... ممكن خالتي لما تروح المستشفي تلقيه
عايش اه ممكن
اكيد هيكلمني دلوقتي
وهسأله فرط في ايه
طب هو فرط في ايه حد يفهمني فرط في ايه
لا ااااااااا هو اكيد مات الدكتور هيهزر معايا في الحاجات دي
خلاص ياعبد الرحمن هو اكيد مات
طب.........
فجأة كده مات ممكن ......كنت انا اللي ابئي مكانه
طب مااحنا الاتنين زي بعض
مقضيين حياتنا اغاني وافلام وبنات ووووووووووو
ايه بقى اللي مفرطين فيه
كان نفسي اوي يامحمد حد يسمعني كان نفسي اشكي حالي لحد
كان نفسي ابويا او امي حد فيهم يفهمني كان نفسي اترمي في حضن اي حد فيهم
انا مش يتيم
لا انا يتيم مش لاقي حد فيهم يحس بيه وفي الوقت ده اللي حسيت فيه اني لوحدي في
الدنيا دي حسيت اني في غربه
حسيت ان محدش بيحبني ولاحد بيسمعني كنت تايه
ووقتها بطلت اضحك وبقيت مش قادر اوقف دموعي...........
وكأنها كانت محبوسه ومستنيه حد يفرج عنها
هو ان بعيط علي محمود وللا بعيط علي نفسي وللا بعيط علي ايه بالظبط
طب هو محمود ارتاح كده وسابني لوحدي تايه
اعمل ايه.... اعمل ايه بس حد يقولي حد يعبرني انا برده انسان انا مش يتيم.......
وفي وسط الحيرة دي
لقيت سها بتتصل بيه....
ارد عليها جايز الاقي عندها جواب وللا
بلاش ارد احسن
ياتري عبد الرحمن هيرد علي سها وللا.......؟!!!!!
لؤلؤة المنتدى- المشرفه العامة
- علم بلدك :
عدد المساهمات : 3216
نقاط : 9080
تاريخ الميلاد : 28/04/1993
تاريخ التسجيل : 15/12/2010
العمر : 31
الموقع : منتديات مصر الحره
العمل/الترفيه : كليه تجاره
الوظيفة :
المزاج : تمام والحمد لله
رد: انا مش ورقة قصه جميله وحلقات كتير متجدده ان شاء الله بعد ردودكم
هاااااا نسيب الحلقه السابعه لبكره ولا مشتاقين انزلها
النهارده ههههههههه
بصراحه لو عجبتكم وعايزين الحلقه السابعه النهارده
اتحايلوا عليا شويه فى ردودكم
مفيش ردود خالص ايه ياجماعه
انا كده هلغى بقيه الروايه وانا اصلا بحب القصص والروايات
اشوف ردود حلوه انزل الحلقه السابعه غير كده يبقى بعينكم تشوفوها
هههههههههه
ودى واحترامى
النهارده ههههههههه
بصراحه لو عجبتكم وعايزين الحلقه السابعه النهارده
اتحايلوا عليا شويه فى ردودكم
مفيش ردود خالص ايه ياجماعه
انا كده هلغى بقيه الروايه وانا اصلا بحب القصص والروايات
اشوف ردود حلوه انزل الحلقه السابعه غير كده يبقى بعينكم تشوفوها
هههههههههه
ودى واحترامى
لؤلؤة المنتدى- المشرفه العامة
- علم بلدك :
عدد المساهمات : 3216
نقاط : 9080
تاريخ الميلاد : 28/04/1993
تاريخ التسجيل : 15/12/2010
العمر : 31
الموقع : منتديات مصر الحره
العمل/الترفيه : كليه تجاره
الوظيفة :
المزاج : تمام والحمد لله
رد: انا مش ورقة قصه جميله وحلقات كتير متجدده ان شاء الله بعد ردودكم
شكلكم كده زهقتوا من الحلقات على العموم انا هنزل الحلقه السابعه وامرى الى الله
ودى واحترامى لاحلى اعضاء مش بشوف ردودهم
ودى واحترامى لاحلى اعضاء مش بشوف ردودهم
لؤلؤة المنتدى- المشرفه العامة
- علم بلدك :
عدد المساهمات : 3216
نقاط : 9080
تاريخ الميلاد : 28/04/1993
تاريخ التسجيل : 15/12/2010
العمر : 31
الموقع : منتديات مصر الحره
العمل/الترفيه : كليه تجاره
الوظيفة :
المزاج : تمام والحمد لله
رد: انا مش ورقة قصه جميله وحلقات كتير متجدده ان شاء الله بعد ردودكم
الحلقة السابعة
محمد:وعملت ايه رديت عليها وللا لا
عبدالرحمن:قلت لاااااااا انا مش هرد عليها بس لقيتها بتتصل
تاني وتالت قلت خلاص اما ارد عليها انا كده كده ضايع
ومش لاقي حد يسمعني مهياش فارقه كتير
سها:ها ياعبده عملتوا ايه
عبدالرحمن:محمود مات ياسها
سها:بلاش هزار.....انت فين دلوقتي
عبدالرحمن:بقولك محمود مات ياسها
سها:مات ازاي
عبدالرحمن:ده السؤال اللي عايز اعرفه
سها:اكيد كان تعبان
عبدالرحمن:لا
سها:هو لازم يعني يقولك انا تعبان مجايز مخبي عليك
عبدالرحمن:بقولك مكانش تعبان دا كان بيقول انه فرط كتير.....فرط اوي .....ياتري فرط في ايه
سها:هههههههه هتلاقيه كان عايز يعزمني علي حاجه في الحفله وفرط في حقنا
عبدالرحمن:انا مبهزرش دلوقتي بجد محمود ماااااااااات
سها:خلاص ياسيدي انا لله وانا اليه راجعون علي العموم ابقى اديني رقم خالتك عشان اعزيها واجب برده وللا انت ايه رايك
عبدالرحمن:انا كنت مصدوم من ردها انا تايه وخايف وعايز اعرف محمود فرط في ايه والاقيها بتهزر
فقولتلها خلاص ياسها عايزه حاجه تانيه
سها:اه شوفت نسيتني كنت هقولك ايه انت عارف طبعا الاجازه قربت تخلص وندخل الكليه بقى والمذاكره وكده فقولت لبابا اننا نروح مصيف وقلتله ان انت تبقى معانا
فوافق فقلت اتصل بيك
افرحك.......... ها ايه رايك؟!!!
عبدالرحمن:تفرحيني بأيه بقولك محمود مات مات
سها:وانا كنت قلتك يعني انه مامتش ماشي ياسيدي خلاص مكلنا هنموت عايزني اعمل ايه تاني قولي؟!!! انت بقيت غريب اوي علي العموم انا مستنيه ردك بس متتاخرش عليه يلا سلام
عبدالرحمن :انا قفلت معاها وانا مصدوم وزادت حيرتي اكتر............ ممكن محمود فعلا كان تعبان طب فرط في ايه ياتري ايه الصح وايه الغلط ......وايه رد سها دي كمان هو اللي بعمله انا وهي صح ومن حقنا
محمد:سؤال يعني؟ هي البت دي معندهاش دم
عبدالرحمن:انا وهي معندناش دم بس الفرق انا شوفت محمود وهي ماشفتوش انا حسيت بحرقه كلامه وندمه علي التفريط وهي ماحسيتش بحاجه.... بص انا والله مشفق عليها جدااااا ربنا
يهديها هي عامله زي الي بتدور علي حد يحسسها بوجودها زي بالظبط عايشه في غربه تايهه في دنيا غريبه عايشه في بيتها زيي .......ممكن اهلنا يحسوا ان اثاث البيت اتغير بس
مايحسوش بوجودنا ولا بحالنا ............الحمد لله رب العالمين
محمد:طب وانت ليه ماتحاولش معاها
عبدالرحمن:هقولك بعدين اجابة السؤال ده عشان مانخرجش بره الحكايه وترجع تزعل وتقولي انت كل يوم بتعلقني
بعد مكالمه سها اكتشفت ان الساعه بقت 30/3 الصبح اتفزعت جدا وقلت ايه ده انا كل ده بلف في الشارع وقررت اني اروح
ولما وصلت البيت لقيتهم في انتظاري وكأني عملت جريمه
وبابا سألني بصوت شديد وانا اصلا مكانش مستحمل اي كلام ومكنتش عايز اكلم اي حد
سياده البيه ممكن يقولي كان فين ومحضرش جنازه ابن خالته
اسماء اختي ترد بكل سخريه:اكيد كان مع البت بتاعته مهو معدش في دم اليومين دول
انا ماردتش عليهم يظهر ان حتي دموعي معادتش بتتشاف ودخلت اوضتي وقفلت عليا الباب طبعا بابا قعد يزعق بس انا خلاص معادش يفرق معايا
وانا في اوضتي رجعت تاني للحيره اللي كنت فيها وهمي زاد اكتر من مقابله ابويا واستهزاء اسماء
هما بيعملوا فيه كده ليه حد يجاوبني....وقعدت اعيط كتير....... واقول لنفسي هو انا اللي مكبر الموضوع وللا الموضوع فعلا كبير
محمود مات وفرط كتير .....
وسها تقولي انا عايزاك تسافر معانا..... وابويا يزعقلي ......واختي اسماء دي كمان نقصاها الحكايه
وافتكرت يوم حادثه الاتوبيس واحنا راجعين من الرحله يوم مالشاب قعد يتكلم واحنا
مانتبهناش لكلامه وكان الاتوبيس هيعمل حادثه....... ده كمان كان ايه..... ومحمود مات وانا ....ممكن كنت ابقى مكانه
ياااااااااااااارب اعمل ايه .........حسيت اني اول مره اقول يارب من قلبي واستغربت نفسي وانا بقول كده
ومن كتر العياط حسيت اني مصدع وغلبني النوم
وانا نايم حلمت ........
محمد:حلمت بأيه
عبدالرحمن : حلمت بمحمود ......قعدت انادي عليه لقيته بيقولي ألحق نفسك ياعبدالرحمن
قبل فوات الاوان
ألحق نفسي.....ألحق نفسي ازاي.......... طب قولي انت فرطت في ايه.......ها يا محمود فرطت في ايه قولي
وسمعت صوت بيناديني بيقولي البدايه من هنا وشاور علي جامع
انا مانتبهتش للصوت وقعدت انادي علي محمود انت فرطت في ايه قولي .......ومحمود كان للاسف ساكت قعدت انادي عليه كتير وبصوت عالي وهو ساكت
محمد:سؤال محرج يعني هو انا كنت فين من كل ده؟
عبدالرحمن:انت كنت الجزء اللي لازم يتقطع
محمد:يتقطع............ يعني ايه؟؟؟
يتبع ان شاء الله
لؤلؤة المنتدى- المشرفه العامة
- علم بلدك :
عدد المساهمات : 3216
نقاط : 9080
تاريخ الميلاد : 28/04/1993
تاريخ التسجيل : 15/12/2010
العمر : 31
الموقع : منتديات مصر الحره
العمل/الترفيه : كليه تجاره
الوظيفة :
المزاج : تمام والحمد لله
رد: انا مش ورقة قصه جميله وحلقات كتير متجدده ان شاء الله بعد ردودكم
فى انتظار ردودكم وتقييمكم
ودى واحترامى
ودى واحترامى
لؤلؤة المنتدى- المشرفه العامة
- علم بلدك :
عدد المساهمات : 3216
نقاط : 9080
تاريخ الميلاد : 28/04/1993
تاريخ التسجيل : 15/12/2010
العمر : 31
الموقع : منتديات مصر الحره
العمل/الترفيه : كليه تجاره
الوظيفة :
المزاج : تمام والحمد لله
رد: انا مش ورقة قصه جميله وحلقات كتير متجدده ان شاء الله بعد ردودكم
والله يالؤلؤة انتى عارفه ردى وتقييمى من البدايه كل قصصك وروايات
ممتعه وجميله جدا تسلم ايديكى ومنتظرين باقى الحلقات
تحياتى
رد: انا مش ورقة قصه جميله وحلقات كتير متجدده ان شاء الله بعد ردودكم
ماأجمل تلك المشاعر التي
خطها لنا قلمكِ الجميل هنا
لقد كتبتِ وابدعتِ
كم كانت كلماتكِ رائعه في معانيها
فكم استمتعت بقصتك الجميلة
بين سحر حروفكِ التي
ليس لها مثيل وعذوبة اسلوبك السلس
خطها لنا قلمكِ الجميل هنا
لقد كتبتِ وابدعتِ
كم كانت كلماتكِ رائعه في معانيها
فكم استمتعت بقصتك الجميلة
بين سحر حروفكِ التي
ليس لها مثيل وعذوبة اسلوبك السلس
امانى- المشرفه العامة
- علم بلدك :
عدد المساهمات : 1777
نقاط : 8268
تاريخ التسجيل : 20/12/2010
الوظيفة :
المزاج : الحمد لله تمام
رد: انا مش ورقة قصه جميله وحلقات كتير متجدده ان شاء الله بعد ردودكم
المدير العام كتب:
والله يالؤلؤة انتى عارفه ردى وتقييمى من البدايه كل قصصك وروايات
ممتعه وجميله جدا تسلم ايديكى ومنتظرين باقى الحلقات
تحياتى
ميرسى يامانيجر على تقييمك وردك الجميل
ومتابعتك للروايه واتمنى ان تنال اعجاب الجميع
ودى واحترامى
لؤلؤة المنتدى- المشرفه العامة
- علم بلدك :
عدد المساهمات : 3216
نقاط : 9080
تاريخ الميلاد : 28/04/1993
تاريخ التسجيل : 15/12/2010
العمر : 31
الموقع : منتديات مصر الحره
العمل/الترفيه : كليه تجاره
الوظيفة :
المزاج : تمام والحمد لله
رد: انا مش ورقة قصه جميله وحلقات كتير متجدده ان شاء الله بعد ردودكم
امانى كتب:ماأجمل تلك المشاعر التي
خطها لنا قلمكِ الجميل هنا
لقد كتبتِ وابدعتِ
كم كانت كلماتكِ رائعه في معانيها
فكم استمتعت بقصتك الجميلة
بين سحر حروفكِ التي
ليس لها مثيل وعذوبة اسلوبك السلس
ما اجمل كلماتك استاذتى الرائعه تميز وابداع فى نشر البسمه على شفاهنا
دمتى لنا ولمنتدانا مبدعه فى كلماتك التى تفوق الخيال فى جمالها وروعتها
ولا يسعنى الا ان اقدم لكى وسام التميز وتستحقى التميز فى ابداعك المتواصل
وكم يسعدنى مرورك لموضوعاتى فهذا يشعرنى انى اسير على خطى ثابته
متجه الى اعجابكم ونيل رضاكم
دمتى لى بالف خير واتمنى لقياكى فى جناته ان شاء الله
وسام التميز لافضل اعضاء المنتدى فى جمال وسحر قلمها المبدع
[ندعوك للتسجيل في المنتدى أو التعريف بنفسك لمعاينة هذا الرابط]
لكى ودى واحترامى
لؤلؤة المنتدى- المشرفه العامة
- علم بلدك :
عدد المساهمات : 3216
نقاط : 9080
تاريخ الميلاد : 28/04/1993
تاريخ التسجيل : 15/12/2010
العمر : 31
الموقع : منتديات مصر الحره
العمل/الترفيه : كليه تجاره
الوظيفة :
المزاج : تمام والحمد لله
مواضيع مماثلة
» اجمل صور لمدينه بلطيم بكفرالشيخ متجدده ان شاء الله
» اهداء لمنتداى شويه تصميمات متجدده دائما ان شاء الله كل يوم تصميم شكل
» خلفيات قطط بسس هرر مياو من اختيار ,,,كتير حلوة
» احاديث رسول الله صل الله عليه واله في الامام المهدي المنتظر
» •₪[ سلسلة سيرة الصحابـة رضي الله عنهم طلحه بن عبيد الله ]₪•
» اهداء لمنتداى شويه تصميمات متجدده دائما ان شاء الله كل يوم تصميم شكل
» خلفيات قطط بسس هرر مياو من اختيار ,,,كتير حلوة
» احاديث رسول الله صل الله عليه واله في الامام المهدي المنتظر
» •₪[ سلسلة سيرة الصحابـة رضي الله عنهم طلحه بن عبيد الله ]₪•
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الخميس فبراير 29, 2024 5:08 pm من طرف lovesport
» شركة تنظيف بالجبيل
الأحد فبراير 18, 2024 2:04 am من طرف شيماء أسامة 272
» شركة تنظيف بالجبيل
الثلاثاء أكتوبر 31, 2023 10:00 pm من طرف شيماء أسامة 272
» شركة تنظيف سجاد براس تنورة
الإثنين أكتوبر 09, 2023 5:00 pm من طرف شيماء أسامة 272
» تحميل القران الكريم بصوت القارئ عبد الباسط عبد الصمد mp3 كامل مجانا مضغوط
الإثنين سبتمبر 18, 2023 12:34 pm من طرف alaa_eg
» تحميل التعليق العربي pes 2013 حفيظ دراجي
الأحد سبتمبر 17, 2023 12:41 pm من طرف alaa_eg
» تحميل برنامج SFX Maker لصناعة البرامج تثبيت صامت بآخر إصدار
الثلاثاء سبتمبر 12, 2023 9:32 am من طرف alaa_eg
» تحميل برنامج تشغيل الفيديو QQ Player كيوكيو بلاير للكمبيوتر
الثلاثاء سبتمبر 12, 2023 9:27 am من طرف alaa_eg
» تحميل برنامج صانع شهادات التقدير للكمبيوتر مجاناً - Certificate Maker
الثلاثاء سبتمبر 12, 2023 9:09 am من طرف alaa_eg
» تحميل القران الكريم بصوت اسلام صبحي mp3 كامل مجانا
الأحد سبتمبر 10, 2023 5:32 am من طرف alaa_eg
» بوكلين فولفو 460 - حفار فولفو 2009 - VOLVO EC460B - Excavator - كود A 282
الإثنين أغسطس 14, 2023 4:11 pm من طرف lovesport
» تبادل إعلاني مجاني - تبادل بانرات ، تبادل اعلانات نصيه ، تبادل زيارات
الجمعة فبراير 24, 2023 6:34 pm من طرف alaa_eg
» منتديات عرب مسلم
الجمعة فبراير 24, 2023 6:32 pm من طرف alaa_eg
» منتديات مثقف دوت كوم
الجمعة فبراير 24, 2023 6:30 pm من طرف alaa_eg
» منتدى برامج نت
الجمعة فبراير 24, 2023 6:28 pm من طرف alaa_eg
» منتدى المشاغب
الجمعة فبراير 24, 2023 6:26 pm من طرف alaa_eg
» منتديات العرب
الجمعة فبراير 24, 2023 6:24 pm من طرف alaa_eg
» منتدى عرب مسلم
الجمعة فبراير 24, 2023 6:22 pm من طرف alaa_eg
» منتديات برامج نت
الجمعة فبراير 24, 2023 6:20 pm من طرف alaa_eg
» منتدى فتكات
الجمعة فبراير 24, 2023 6:18 pm من طرف alaa_eg