كيف تعرف المصرى من بين الناس؟

كيف تعرف المصرى من بين الناس؟

لو اديت لواحد فلوس... وبدأ يعدها بصوت عالي وبدأ بقوله الله واحد .. ومع الورقة الثانية مالوش تاني، ومع الورقة الثالثة: العدد ثلاثة .. يبقي أكيد مصري ابن مصري

. لو صليت في مكان وبعد الصلاة اللي جنبك مد ايده وقالك تقبل الله.. يبقى مصري
...
. إذا سمعته بعد أن يضحك يقول " خير اللهم إجعله خير " .. فتأكد أنه مصري ...

. لو إتصلت بيه في التليفون , وقال لك من غير مناسبة " كل سنة وإنت طيب " .. فتأكد أنه مصري ...

. لما تنزل تلاقي واحد ساند على عربيتك واول ما يشوفك يضحك ويقولك لا موأخذه يا باشا يبقى مصرى

. لو دخلت عليه وكان بياكل ولو حتى عيش حاف لازم يقولك اتفضل الأكل ويعيدها عليك ثلاث أربع مرات يبقى ده اكيد مصرى

. و لما عربية تعمل حادثة فى الطريق الصحراوى أو الزراعى , و فى ثوانى تقف لها خمسين عربية ينقذوا المصابين و يعدلوا العربيات و لو اضطروا يشيلوهم من على الأرض ........................ هم دول المصريين

. لما تلاقي ناس بتقضي العيد فى المقابر مع حبايبهم اللي ماتوا يبقي أكيد في مصر

. لما تلاقي سيدة في الرايحة والجاية عمالة تدعي لأولادها ... تبقى دي أم مصرية وطموحاتها وأحلامها الشخصية فى الحياة إن ولادها يبقوا مبسوطين

.لو شفت واحد ماشى فى الشارع وفجاه مد ايده على لقمه عيش مرميه على الارض ورفعها على راسه وباسها قبل ما يحطها جنب الحيط يبقى اكيد مصرى

.لو شفت عامل اول ما ياخد اجرته قام رفعها على راسه وباسها وحمد ربنا يبقى مصرى ابن مصرى

. لو شاورت لتاكس ووقفلك فى نص الطريق عشان تركب حضرتك بمزاج يبقي أكيد مصري

.. لما تيجي تدفع الأجرة لواحد أول مرة تعرفه، يحلف عليك تخلي بأه. هو مصرىىىىى

.. لما تلاقي ست البيت بتحوش برطمانات المربي الفاضية وعلب الحلاوة سنين طوال بدون استخدام يبقي أكيد دي مصرية اصيله

..لما تلاقى واحد فى بلد غريبه عمره مازارها قبل كده وعرف ناس من اول يوم ليه مصرى ابن ستين مصرى

.. ولما تلاقى شعب فى اكبر ازمه بيمر بيها ... مابيناسش يضحك
ويضحك اللى حوليه
وكل العالم يتكلم عليه ....
يبقى انت اكيد تقصد اعظم شعب ... شعب مصر

عجبتنى جدا فنقلتها لان اى حد مصرى أكيد بييعمل كل ده
ياللا اللى عنده دلائل على المصرى يكتبها
وعايز اعرف رايكم
اااااه ونسيت اقول اهم حاجة :انك ممكن تعرف المصرى من طيبة قلبه وغيرته على بلده واهلها

من طرف **امانى** الإثنين يوليو 18, 2011 8:03 pm

صدقت أخى الكريم وأنا اشهد لك بهذه الصفات للشخصية المصرية وازيد عليها الوفاء والتفانى والاخلاص والابداع نعم هــذه أقــوال المصريين

امانى كتب:
صدقت أخى الكريم وأنا اشهد لك بهذه الصفات للشخصية المصرية وازيد عليها الوفاء والتفانى والاخلاص والابداع نعم هــذه أقــوال المصريين

اشكرك لمرورك يافراشه المنتدى واشكرك على اطرائك الرائع

دآآآآآآآآآآآم عطاءك لنا وللمنتدى ودمتى بكل الخير والسعاده

وكل عام وجميع المصريين بخير

احترامى وتقديرى