شايف البنت اللى هناك دى؟؟

بسم الله الرحمن الرحيم
السلام عليكم

عادات سيئه انتشرت بسرعه رهيبه للاسف فى مجتمعنا المسلم
منها حكايه معروفه دارت بين صديقين

وحيد : شايف البنت اللى هناك دى
فريد : اه شايفها مالها
وحيد : اسكت ياعم ان الله حليم ستار
فريد : مالها بس ..هى مين دى أصلا؟؟؟
وحيد : دى ياعم فلانه بنت فلان وماشيه مع فلان وبتعمل كذا وكذا وسمعتها كذا وكذا
فريد : يانهار ومين قالك على الحاجات دى كلهاااااا!!!
وحيد : ياعم هو فيه حاجه بتستخبى اليومين دول وبعدين الواحد بيبان عليه برضو..
فريد : كفايه كدا بقا ياعم
دع الخلق للخالق احنا برضو لينا اخوات بنات..


علياء : مش دى نجلاء..؟
شيماء : ايوه هي
علياء: وايه اللى عاملاه فى نفسها ده..حاطه نص كيلوا بودره على وشها!!
ومين اللى ماشى معاها ده؟؟
شيماء: ده الواد وائل..
ياريتها تيجيي على وائل وبس..ده نص الدفعه معاها رقمها..
علياء: يا نهار..!!
ربنا يهديها ..

--------------

كام مرة سمعنا السيناريو ده ؟ تقدر او تقدرى تفتكرى ؟

أكييييييييييييد كتيييييييييير جدا


انتوا عارفين ده ايه ؟

.. ده اسمه
خوض في أعراض الناس

و فيه كلمات بينها الشرع لو صرح بها شخص في حق البنت المؤمنة
يصل إلى
قذف المحصنات

عارفين ان لو احنا فى بلد بيتطبق فيه شرع ربنا كان هيكون ايه عقاب من قذف المحصنات ؟

80 جلده

حد يقدر يستحمل !!؟

وكمان أن ترد شهادته

وان يصبح فاسقا ليس بعدل لا عند الله ولا عند الناس

قال تعالى: (( والذين يرمون المحصنات ثم لم يأتوا بأربعة شهداء فاجلدوهم ثمانين جلدة ولا تقبلوا لهم شهادة أبدا وأولئك هم الفاسقون ( 4 ) إلا الذين تابوا من بعد ذلك وأصلحوا )). ( سورة النور، الآيتان: 4، 5 ).

فقد عاقب الله من رمى مؤمناً بفاحشة بثلاث عقوبات:

الأولى: الجلد. (( فاجلدوهم ثمانين جلدة )).

الثانية: رفض الشهادة (( ولا تقبلوا لهم شهادة أبداً )).

الثالثة: الحكم عليهم بأنهم فاسقون. (( وأولئك هم الفاسقون )).


تعرفوا ربنا سبحانه وتعالى يبقول لنا ايه كمان فى قذف المحصنات .. تعالوا نقرأ الآية دى

" ان الذين يرمون المحصنات الغافلات المؤمنات لعنوا فى الدنيا والآخرة ولهم فى الآخرة عذاب عظيم "


شايف الخطوره

لعنوا فى الدنيا
ولهم فى الآخرة عذاب عظيم

وقذف المحصنات من

السبع الموبقــات " اى المهلكات "

بجد اياااااااااك وقذف المحصنات اللى بنتساهل فيه معظمنا يعنى الا من رحم ربى ..

يعنى هنستفاد ايه ؟


علشان تقول كلام مش كويس على بنت لااااازم تكون واثق مية فى المية من الكلام ده .. مش كدا وبس

لكن كمان لاااااااااازم يكون معاك اربع شهود على الكلام ده .. يكونوا رأوا منها ما يثبت ذلك مرأى العين

غير كدا لاااازم منتكلمش!!


سيدنا عمر سمع صوت امرأة مع رجل لكن من وراء حجاب او ستار وذهب واخبر سيدنا على بن ابى طالب

فقال له على أمعك شهود ؟؟ ..

طيب وهل سيدنا عمر هيكدب يعنى؟؟
هيحتاج هو كمان لشهود ؟
ايوااااااااا لازم اربعة

فقال له عمر: لااااا

فقال على : لو نطقت اسمها لجلدتك

تخيلوا !!

يا جماعة بجد كام فينا محتاج للجلد وكام مرة وقعنا فى قذف المحصنات

يا ما الكلام ده خرب بيوت وطلق زوجات واتسبب فى اذى ناس الله اعلم ببراءتهم او ذنبهم

واخيرا هذكركم بقول الله تعالى :
( إِذْ تَلَقَّوْنَهُ بِأَلْسِنَتِكُمْ وَتَقُولُونَ بِأَفْوَاهِكُمْ مَا لَيْسَ لَكُمْ بِهِ عِلْمٌ
وَتَحْسَبُونَهُ هَيِّنًا وَهُوَ عِنْدَ اللَّهِ عَظِيمٌ )

واخيرا كما تدين تدان ,,,, الخوض فى اعراض الناس
هل لو حد فينا هيرضاها على نفسه وهل لو اختك هترضاها عليها..؟
ولو انت صديق وحيد او انتى صديقة شيماء ايه موقفك من العاده دى باتجاه صديقك...؟


منقول مع بعض الاضافات
بانتظار ارائكم