رقم الزائر
.:: أنت الزائر رقم ::.بحـث
ساعه المنتدى
المواضيع الأخيرة
احصائيات
هذا المنتدى يتوفر على 1750 عُضو.آخر عُضو مُسجل هو Shimaa mohamed فمرحباً به.
أعضاؤنا قدموا 33041 مساهمة في هذا المنتدى في 8848 موضوع
أفضل 10 أعضاء في هذا المنتدى
المدير العام | ||||
ريهام | ||||
عين الحياه | ||||
لؤلؤة المنتدى | ||||
سحر الشرق | ||||
abdullah99 | ||||
امانى | ||||
رحيق الايمان | ||||
احمد عبدالباسط | ||||
joka.jaky |
دخول
مجموعة منتديات مصر الحره
مجموعه منتديات مصر الحره |
زيارة هذه المجموعة |
اشتراك في مجموعه منتديات مصر الحره |
تسجيل صفحاتك المفضلة في مواقع خارجية
قم بحفض و مشاطرة الرابط منتديات مصر على موقع حفض الصفحات
قم بحفض و مشاطرة الرابط منتديات مصر الحره على موقع حفض الصفحات
أحبها أتدرون لماذا احبها تعالوا معى فى هذه الرحله الصغيره؟؟
4 مشترك
صفحة 1 من اصل 1
أحبها أتدرون لماذا احبها تعالوا معى فى هذه الرحله الصغيره؟؟
حبيتك لالتزامك . . . . . . . . . . . . حبيتك لاحترامك
حبيت فيكي التواضع . . . . . . . . . . . . والعزة اللي ف كلامك
مبسوط منك لأنك . . . . . . . . . . . . إسلامك كل همك
أنا أصلي قابلت بابا . . . . . . . . . . . . واداني فكرة عنك
وسألته عن طباعك . . . . . . . . . . . . إن كانت يعني هادية
فحكالي عن سماعك . . . . . . . . . . . . لكلامه وانت راضية
وازاي بتسلي نفسك . . . . . . . . . . . . بذكرك وانت فاضيه
وحلاوة صوت تلاوتك . ... ....... . . وازاي بتكوني شادية
* * *
وسألته إن كنتي فاهمة . . . . . . . . . . . . معنى كلمة زوجين
قالي هتكونوا ورقة . . . . . . . . . . . . مطبوعة نسختين
غني كنت أو فقير . . . . . . . . . . . . ليك عند بنتي دين
سرك هيكون في بير . . . . . . . . . . . . معرفش مكانه فين
تفضل دايماً كبير . . . . . . . . . . . . فينظرها حبتين
لو جيت بفلوس كتير . . . . . . . . . . . . تطمن جت منين
* * *
هتكون دايماً معاها . . . . . . . . . . . . سيرتك هتكون هواها
والشوق اللي ف خيالك . . . . . . . . . . . . تلقاه لحظة لقاها
لو جيت زعلان ف مرة . . . . . . . . . . . . ارمي همومك ورآها
ومهما شوفت بره . . . . . . . . . . . . مش هتشوف مستواها
واطمن يابني خالص . . . . . . . . . . . . عقلها مافيهوش تفاهة
وزي ما هي بنتي . . .. . . . . . . . . . بنت حماتها وحماها
* * *
وسألته عن ولادي . . . . . . . . . . . . منك هيكونوا إيه؟
قاللي هيكونوا عادي . . . . . . . . . . . . فسألته يعني إيه؟!
قاللي العادي إللي كان . . . . . . . . . . . . عند الناس من زمان
العادي بتاع سراقة . . . . . . . . . . . . وحذيفة بن اليمان
العادي بتاع أسامة . . . . . . . . . . . . وابن الحكيم لقمان
ده العادي بتاعنا إحنا . . . . . . . . . . . . بنربي عليه عشان
لو جينا ولا رحنا . . . . . . . . . . . . هنقابل الرحمن
عمرك ما تخاف عليهم . . . . . . . . . . . . ولادك في الأمان
أنا بنتي هتربيهم . . . . . . . . . . . . على السنة والقرآن
هتشوف ابنك بيصحى . . . . . . . . . . . . مادام سمع الأذان
ينزل في الفجر يقرا . . . . . . . . . . . . بالسجدة والإنسان
هتشوف في حجاب بناتك . . . . . . . . . . . . العفة والإحسان
هتشوف إزاي مراتك . . . . . . . . . . . . هتعينك إنت كمان
* * *
وسألته عن حياتك . . . . . . . . . . . . من قبل الالتزام
قال أتذكر في ليلة . . . . . . . . . . . . مش فاكر أنهي عام
أذان الفجرأذن . . . . . . . . . . . . وقالت لي سيبني أنام
فدخلت الأوضه جوه . . . . . . . . . . . . أجيب منها الحزام
وعبال مارجعت تاني . . . . . . . . . . . . كات رجعت ف الكلام
الله يجازي الشيطان . . . . . . . . . . . . خلاها تقول أنام
بس اطمن خلاص . . . . . . . . . . . . دلوقتي بقت تمام!
* * *
قلتله طيب ياعمي . . . . . . . . . . . . يسعدني أقولك إني
بطلب بنتك ونفسي . . . . . . . . . . . . تناسبني وترضى عني
راح شادد فجأة لبسي . . . . . . . . . . . . وقلب وشه وسألني
* * *
حافظ كم جزء يابني . . . . . . . . . . . . وقاري كم كتاب
احكيلي كده عن مؤتة . . . . . . . . . . . . أو غزوة الأحزاب
وسمع كم حديث . . . . . . . . . . . . في الأخذ بالأسباب
وكمان سمعلي آية . . . . . . . . . . . . ذكرت فيها الدواب
ولو شايفها صعبة . . . . . . . . . . . . قللي بتاعة الذباب
واحكيلي حلم يوسف . . . . . . . . . . . . وبراءةالذئاب
واخواته لما جولوه . . . . . . . . . . . . دخلوا من أنهي باب
واديني فكرة برضه . . . . . . . . . . . . بتقبضكم ثواب
وناوي ازاي تحسن. . . . . . . . . . . أنا شايفك لسه شاب
* * *
وسأل نفسه وسألني . . . . . . . . . . . . هيعوز إيه يعني مني؟
لو عندي كل حاجه . . . . . . . . . . . . وديني مش شاغلني
أحسن ليك تنسى بنتي . . . . . . . . . . . . ومهرك مش لازمني
قلتله صبرك ياعمي . . . . . . . . . . . . وبراحتك امتحني
يبقى أما أسأل تجاوب . . . . . . . . . . . . خليك دايماً فاهمني
سألتك وأنت ساكت . . . . . . . . . . . . خليتني أظن ظني
وفضل يسأل واجاوب . . . . . . . . . . . . وعشان خاطرك عصرني
وظهرت النتيجة .. . . . . . . . . . . . وبفضل الله قبلني
* * *
قاللي مقبول في نظري . . . . . . . . . . . . مبروك عليك ياسيدي
لكن في نظرها هي . . . . . . . . . . . . نجاحك مش بإيدي
وهي زمانها راجعة . . . . . . . . . . . . من تمرين السويدي
خليك قاعد شوية . . . . . . . . . . . . استنا لما تيجي
هعملك من إيديا . . . . . . . . . . . . كباية شاي صعيدي
* * *
سابني وقعدت أفكر . . . . . . . . . . . . هل ممكن ترفضيني
طاب قولي حتى أفكر . . . . . . . . . . . . مش يمكن تفهميني
وفضل مخي يلاعبني . . . . . . . . . . . . يجيبني ويوديني
وخايف م المقابلة . . . . . . . . . . . . مرعوب بينك وبيني
ودق الباب في ثانية . . . . . . . . . . . . وشوفتك مرة تانية
مش قادر أنسى يومها . . . . . . . . . . . . وفاكر كل ثانية
* * *
ونده والدك عليكي . . . . . . . . . . . . عشان أول لقاء
دخلتي وشوفت وشك . . . . . . . . . . . . عليه نور الحياء
نور والله فعلاً . . . . . . . . . . . . مش نور بودرة وزواء
كان أول مرة أخاف . . . . . . . . . . . . من فتنة النساء
أخلاقك مش عادية . . . . . . . . . . . . وجمالك كان شفاء
* * *
قعدتي جنب والدك . . . . . . . . . . . . وسألتيني وجاوبتك
وفكل مرة أجاوب . . . . . . . . . . . . كنت بشوف ابتسامتك
ف أقول من جوه نفسي . . . . . . . . . . . . يا رب أكون عجبتك
وبعد شوية قمتي . . . . . . . . . . . . ندهت عليكي مامتك
ورحتي دخلتي جوه . . . . . . . . . . . . وراح وراكي والدك
وأنا قلت مش مروح . . . . . . . . . . . . غير لما أكون خطبتك
* * *
وابوكي جاني تاني . . . . . . . . . . . . وقرب من وداني
لابس كرفته سوده . . . . . . . . . . . . وبدله لون فراني
المنظر يعني كله . . . . . . . . . . . . ميدلش ع التهاني
قلتله مالك ياعمي . . . . . . . . . . . . من فضلك قول عشاني
عرقي غرقلي كمي . . . . . . . . . . . . سايبني ليه أعاني
قالي مستني إيه . . . . . . . . . . . . فين إيدك إديهاني
البنت مش موافقة . . . . . . . . . . . . تتجوز حد تاني
* * *
كان أول مرة أعرف . . . . . . . . . . . . إزاي الناس بتفرح
سعادتي كانت غريبة . . . . . . . . . . . . مش ممكن هقدر أشرح
من كتر حبي ليكي . . . . . . . . . . . . نويت أضحي وادبح
رحت اشتريت خروف . . . . . . . . . . . . وكان خروف بينطح
ده أخيراً هبقى جوزك . . . . . . . . . . . . وشجرة صبري تطرح
* * *
خطوبتنا كات بسيطة . . . . . . . . . . . . مكانش فيها زيطة
وفرحنا كان في جامع . . . . . . . . . . . . يعني مش خلطبيطة
ومامتك جت في يومها . . . . . . . . . . . . ورقعت كام سويطة
هاتولي بنتي منه . . . . . . . . . . . . دي مش فاهمة العبيطة
إنه هيخطفها مني . . . . . . . . . . . . وهتوحشني الغتيتة
* * *
صعبت عليا مامتك . . . . . . . . . . . . الموقف كان شديد
لكن فعلاً خطفتك . . . . . . . . . . . . ورحنا مكان بعيد
فاكره ولا انتي ناسية . . . . . . . . . . . . أكيد فاكره أكيد
من يوم ما بقيتي زوجتي . . . . . . . . . . وأنا متهني وسعيد
معايا ف كل يوم . . .. . . . . . . . . . ويوم لؤاكي عيد
عمرك ما دقتي نوم . . . . . . . . . . . . وأنا تعبان أو مريض
فلوسي كانت بتكتر . . . . . . . . . . . . والخير عندك يزيد
وعامله ليه دفتر . . . . . . . . . . . . ومرتبه المواعيد
وبفضل الله قدرتي . . . . . . . . . . . . وجبتي لي الوليد
وبعديها بشوية .. . . . . . . . . . . . جبتي لنا عليه يزيد
وبعديه جت سمية . . . . . . . . . . . . وآخرهم كان حميد
* * *
بدعيلك كل يوم . . . . . . . . . . . . وأفضل أعيد وأزيد
ربيتي عيالي دول . . . . . . . . . . . . على القرآن المجيد
طول عمرك وانتي صافية . . . . . . . . . . . . قلبك لون الجليد
أخلاقهم مش عادية . . . . . . . . . . . . طلعنلك مش بعيد
وليد دلوقتي ضابط . . . . . . . . . . . . ومعاه رتبة عقيد
ودعوة قلبي صابت . . . . . . . . . . . . ويزيدأهو مات شهيد
وبنتك صيدلية . . . .. . . . . . . . . وحميد أصبح معيد
الله برحم أبوكي . . . . . . . . . . . . راجل من نوع فريد
كل اللي قاله فيكي . . . . . . . . . . . . أنا عشته بالتحديد
* * *
عشت معاكي ف حكاية . . . . . . . . . . . . أحلى وأجمل رواية
حكايتي كات معاك . . . . . . . . . . . . وحكايتك كات معايا
اديتك كل عمري . . . . . . . . . . . . وهمك كان رضايا
وعمرك خدته منك . . . . . . . . . . . . وقربك كان دوايا
وخلاص العمر راح . . . . . . . . . . . . راحت أيام صبايا
ومسافر رحله صعبة . . . . . . . . . . . . وزادي مش كفاية
مش عاوز أشوف دموعك . . . . . . . . . . بالذات ف يوم عزايا
أنا عارف وإنتي عارفة . . . . . . . . . . . . إن الموت مش نهاية
دي لسه الرحلة طالعة . . . . . . . . . . . . والموت خط البداية
إدعيلي يمكن أوصل . . . . . . . . . . . . وأشوف هناك حمايا
أنا عارف إنه فيها . . . . . . . . . . . . محجوز له هناك سرير
وسلامي في النهاية . . . . . . . . . . . . أنا خلصت الحكاية
لو يوم فكرتي فيه . . . . . . . . . . . . إقري شعري وغانيا
وأمانه ف كل مرة . . . . . . . . . . . . تدعيلي بالهداية
عسى ربي بدعائك . . . . . . . . . . . . يغفر ليا الخطايا
اللهم ارزق شباب المسلمين زوجات صالحات وارزق بناتهم أزواجا صالحين
عرفتوا ليه انا بحبها
إهداء الى من احبها بكل اخلآص
خطيبة المدير العام
عدل سابقا من قبل المدير العام في الجمعة أبريل 15, 2011 2:42 pm عدل 2 مرات
رد: أحبها أتدرون لماذا احبها تعالوا معى فى هذه الرحله الصغيره؟؟
نعم..
لك حق فى انك احببتها
لك حق فى انك احببتها
سحر الشرق- وسام الآلفية الثانية
- علم بلدك :
عدد المساهمات : 2291
نقاط : 7554
تاريخ التسجيل : 26/11/2010
الوظيفة :
المزاج : بفضل الله بخير
رد: أحبها أتدرون لماذا احبها تعالوا معى فى هذه الرحله الصغيره؟؟
سمسمة كتب:نعم..
لك حق فى انك احببتها
اشكرك على ردك يا استاذه سمسمة
نورتى الموضوع
اتمنى اشوف ردود جميع الاعضاء
احترامى وتقديرى
رد: أحبها أتدرون لماذا احبها تعالوا معى فى هذه الرحله الصغيره؟؟
فجأة يدق قلبك بعنف ، فتتحول
حياتك الرتيبة المبرمجة إلى أحلام ورديه ، نظرتك الجافة المادية للحياة ،
تتبدل خيال ورومانسيه .. عندئذ تستطيع أن تقول أنك في حالة حب ! لاتعرف كيف
بدأت ،وماسر اختيارك لهذا الحبيب بالذات ، الذي تتمنى رضاه ، وتفضله على
نفسك وإذا كان من الصعب أن للحب مقاييس تكشف مدى صدقة وأصالته لأن البشر
أشد تعقيداً لذا قسم العالم" جون لي " الحب إلى ست أقسام ..
كلمات رائعة جدا يا أستاذ محمد تعبر عن مثالية عظيمة للمحبوبة
ليتها تتواجد في كلا الطرفين عندئذ تكون الحياة الزوجية أسمى ما يكون
امانى- المشرفه العامة
- علم بلدك :
عدد المساهمات : 1777
نقاط : 8266
تاريخ التسجيل : 20/12/2010
الوظيفة :
المزاج : الحمد لله تمام
رد: أحبها أتدرون لماذا احبها تعالوا معى فى هذه الرحله الصغيره؟؟
امانى كتب:فجأة يدق قلبك بعنف ، فتتحول
حياتك الرتيبة المبرمجة إلى أحلام ورديه ، نظرتك الجافة المادية للحياة ،
تتبدل خيال ورومانسيه .. عندئذ تستطيع أن تقول أنك في حالة حب ! لاتعرف كيف
بدأت ،وماسر اختيارك لهذا الحبيب بالذات ، الذي تتمنى رضاه ، وتفضله على
نفسك وإذا كان من الصعب أن للحب مقاييس تكشف مدى صدقة وأصالته لأن البشر
أشد تعقيداً لذا قسم العالم" جون لي " الحب إلى ست أقسام ..
كلمات رائعة جدا يا أستاذ محمد تعبر عن مثالية عظيمة للمحبوبة
ليتها تتواجد في كلا الطرفين عندئذ تكون الحياة الزوجية أسمى ما يكون
اشكرك يا استاذه امانى على كلماتك الرائعه واضافتك الجميله
والاروع والاجمل من كل هذا هو مرورك للموضوع واضافتك
دمتى لنا بكل خير وود واحترام وتقدير ونتمنى وجودك فى مواضيعنا
دائما .......... فوجودك ينشر رائحه العطر فى كل اركان
المنتدى فلا حرمنا الله من عطر تواجدك معنا
كل الاحترام والتقدير لشخصك الكريم
اخيكـــ،،،،،
رد: أحبها أتدرون لماذا احبها تعالوا معى فى هذه الرحله الصغيره؟؟
يابختك بيها وبختها بيك
فكم رائع كلماتك ومعانيها وكم هى رائعه بوصفك لها
كل بنت فى الدنيا تتمنى تكون فى نفس مواصفاتها
بارك الله لكم وجمعكم على المحبه والطاعه
دمت بودى واحترامى
فكم رائع كلماتك ومعانيها وكم هى رائعه بوصفك لها
كل بنت فى الدنيا تتمنى تكون فى نفس مواصفاتها
بارك الله لكم وجمعكم على المحبه والطاعه
دمت بودى واحترامى
لؤلؤة المنتدى- المشرفه العامة
- علم بلدك :
عدد المساهمات : 3216
نقاط : 9078
تاريخ الميلاد : 28/04/1993
تاريخ التسجيل : 15/12/2010
العمر : 31
الموقع : منتديات مصر الحره
العمل/الترفيه : كليه تجاره
الوظيفة :
المزاج : تمام والحمد لله
رد: أحبها أتدرون لماذا احبها تعالوا معى فى هذه الرحله الصغيره؟؟
لؤلؤة المنتدى كتب:يابختك بيها وبختها بيك
فكم رائع كلماتك ومعانيها وكم هى رائعه بوصفك لها
كل بنت فى الدنيا تتمنى تكون فى نفس مواصفاتها
بارك الله لكم وجمعكم على المحبه والطاعه
دمت بودى واحترامى
ميرسى يالؤلؤة على مجاملتك الرقيقه
وانتى الرائعه بردودك ونشاطك فى المنتدى
وانتى مواصفاتك جميله ورائعه ويكفى طيبتك وقلبك الابيض
جزاك الله خيرا وبارك الله فيكى على دعائك
ولكى بالمثل وجمعنا جميعا على محبته
وطاعته وفى جناته يوم القيامه
احترامى وتقديرى
اخيكـــــ ،،،،
مواضيع مماثلة
» لماذا جعلتني أحبك لماذا علمتني الحب
» سالتني ان كنت احبها
» تعالوا لنتحاب في الله
» تعالوا لنعمق إخوتنا أيها الأحباب
» الكمبيوتر بيتكلم ؟ تعالوا نشوف الحوار سوا
» سالتني ان كنت احبها
» تعالوا لنتحاب في الله
» تعالوا لنعمق إخوتنا أيها الأحباب
» الكمبيوتر بيتكلم ؟ تعالوا نشوف الحوار سوا
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الخميس فبراير 29, 2024 5:08 pm من طرف lovesport
» شركة تنظيف بالجبيل
الأحد فبراير 18, 2024 2:04 am من طرف شيماء أسامة 272
» شركة تنظيف بالجبيل
الثلاثاء أكتوبر 31, 2023 10:00 pm من طرف شيماء أسامة 272
» شركة تنظيف سجاد براس تنورة
الإثنين أكتوبر 09, 2023 5:00 pm من طرف شيماء أسامة 272
» تحميل القران الكريم بصوت القارئ عبد الباسط عبد الصمد mp3 كامل مجانا مضغوط
الإثنين سبتمبر 18, 2023 12:34 pm من طرف alaa_eg
» تحميل التعليق العربي pes 2013 حفيظ دراجي
الأحد سبتمبر 17, 2023 12:41 pm من طرف alaa_eg
» تحميل برنامج SFX Maker لصناعة البرامج تثبيت صامت بآخر إصدار
الثلاثاء سبتمبر 12, 2023 9:32 am من طرف alaa_eg
» تحميل برنامج تشغيل الفيديو QQ Player كيوكيو بلاير للكمبيوتر
الثلاثاء سبتمبر 12, 2023 9:27 am من طرف alaa_eg
» تحميل برنامج صانع شهادات التقدير للكمبيوتر مجاناً - Certificate Maker
الثلاثاء سبتمبر 12, 2023 9:09 am من طرف alaa_eg
» تحميل القران الكريم بصوت اسلام صبحي mp3 كامل مجانا
الأحد سبتمبر 10, 2023 5:32 am من طرف alaa_eg
» بوكلين فولفو 460 - حفار فولفو 2009 - VOLVO EC460B - Excavator - كود A 282
الإثنين أغسطس 14, 2023 4:11 pm من طرف lovesport
» تبادل إعلاني مجاني - تبادل بانرات ، تبادل اعلانات نصيه ، تبادل زيارات
الجمعة فبراير 24, 2023 6:34 pm من طرف alaa_eg
» منتديات عرب مسلم
الجمعة فبراير 24, 2023 6:32 pm من طرف alaa_eg
» منتديات مثقف دوت كوم
الجمعة فبراير 24, 2023 6:30 pm من طرف alaa_eg
» منتدى برامج نت
الجمعة فبراير 24, 2023 6:28 pm من طرف alaa_eg
» منتدى المشاغب
الجمعة فبراير 24, 2023 6:26 pm من طرف alaa_eg
» منتديات العرب
الجمعة فبراير 24, 2023 6:24 pm من طرف alaa_eg
» منتدى عرب مسلم
الجمعة فبراير 24, 2023 6:22 pm من طرف alaa_eg
» منتديات برامج نت
الجمعة فبراير 24, 2023 6:20 pm من طرف alaa_eg
» منتدى فتكات
الجمعة فبراير 24, 2023 6:18 pm من طرف alaa_eg