[ دجاج محشي - ثقيييييييييل ثقيييل ]

تابعوا الطريقة

اولا نبي دجاج مقاسه مايتعدى 800 غم
وتمسكينه وتنظفينه من المحافظه على الجلد سواء بالرقبة او ....
وتملحينها وتبهرينها وووو
اتركيه على جنب ثم هاتي لك قدر
واحمسي فيه بصل مبشور بشر زي الجزر مع حبتين ماجي
والتوابل اللي تبين وابتلي حركي لين يصير لونه ذهبي ثم حطي عليه شبت ونعاع مجفف
ثم صبي كاسه ماء دافيه عليه واذا غلت حطي الرز طبعا حنا مانبي الرز يستوي مره
يعني خليه نصف استوااا .. اذا تحبين تحطي معه مكسرات حطي ماعندتس مشكله

بعد ماجهز الحشو ارجعي للدجاج واحشيه من الرقبه والبطن اكبسيه كبس عشان يشبع
اهلك
ثم قفلي المخارج بعود خلال او عود شيش الموجود عندك واذا ودك خيطي بخيط وابره
برضو ماعندك مشكله

بعدين هاتي صينيه تيفال او بايركس عشان الفرن
وحطي الدجاج فيها وقطعي عليه بصل وطماط وفلفل رومي وبطاطس واي خضار تحبيه
ولاتنسين البهارات من ملح وفلفل وتوابلك الخاصه
وحركي كل شي لين يختلط .. ثم ادهني الدجاج بمعجون طماط لين يصير الشكل قريب من كذا



صبي على الكل نصف كاسه ماء وملعقيتن سمن او زبده


ولفيها بورق الالمنيوم ودخلها الفرن لمده تتجاوز الساعه مع الملاحظه المستمرة

وطلعيها وقدميها بعد ماتشيلين العيدان وبالعافيه


؛


ترا هذا شغل راعية النوم الله يذكرها بالخير

وماعلى الرسول إلا البلاغ